បរទេស៖ នេះបើយោងតាមការចេញផ្សាយរបស់ L’Equipe បានអោយដឹងថាក្លឹបបិសាចក្រហមបានធ្វើការដាក់សំណើរផ្លូវការសម្រាប់កីឡាករអ៊ុយរូហ្គាយ ទោះជាយ៉ាងណាក៏ដោយ ម្ចាស់ជើងឯក Ligue 1 ត្រូវបានគេរាយការណ៍ថាបានច្រានចោលការដេញថ្លៃនេះ។ កីឡាករ Ugarte បានបដិសេធការផ្ទេរទៅកាន់ក្លឹប Chelsea កាលពីរដូវក្តៅមុន ដើម្បីទៅចូលរួមជាមួយនឹងក្លឹប PSG ប៉ុន្តែគាត់មិនស្ថិតនៅក្នុងជម្រើសរបស់លោក Luis Enrique នោះទេ។ គាត់បានបង្ហាញខ្លួន ២៥ដង សម្រាប់ការប្រកួតនៅ Ligue 1 សម្រាប់រដូវកាល ២០២៣-២៤ ដោយគាត់បានបញ្ជូនបាល់អោយមិត្តរួមក្រុម ៣ដង។
ថ្វីបើបដិសេធការដេញថ្លៃលើកដំបូងរបស់ Man Utd ក៏ដោយ ក៏វាត្រូវបានគេរាយការណ៍ថាម្ចាស់ជើងឯកបារាំងកំពុងបើកចំហរក្នុងការលក់កីឡាកររូបនេះបន្ទាប់ពីផ្ទេរមកកាន់ PSG បានតែមួយរដូវកាលប៉ុណ្ណោះ។ កត្តានេះបានលើកទឹកចិត្តដល់ក្រុម Premier League ខណៈដែលពួកគេត្រូវបានគេរំពឹងថានឹងធ្វើការកែប្រែសំណើររបស់ខ្លួន ដើម្បីដាក់ផ្ទេរជាថ្មីម្តងទៀត។
លោក Jim Ratcliffe និងក្រុម INEOS កំពុងស្វែងរកការកសាងក្រុមឡើងវិញ បន្ទាប់ពីទទួលបន្ទុកក្រុមកាលពីដើមឆ្នាំនេះ។ ពួកគេកំពុងសម្លឹងមើលការពង្រឹងនៅតំបន់កណ្តាល ដែលពួកគេបានកំណត់ថាជាទីតាំងបញ្ហា។ ជាមួយនឹងក្លឹបទំនងជាចែកផ្លូវជាមួយតារាប្រេស៊ីល Casemiro ដូច្នេះកីឡាករ Ugarte អាចជាអ្នកមកជំនួសកន្លែងដែលចន្លោះប្រហោងនេះ។
កីឡាករវ័យ ២៣ឆ្នាំបានជួបឈ្មោះនៅក្រុមជម្រើសជាតិ Uruguay សម្រាប់ព្រឹត្តិការណ៍ Copa America 2024៕
