បរទេស៖ នេះបើយោងតាមការចេញផ្សាយរបស់ Christian Falk បានអោយដឹងថាក្លឹបតោខៀវបានធ្វើការទំនាក់ទំនង និងបញ្ចុះបញ្ចូលកីឡាករ Karim Adeyemi មកផ្ទេរមកកាន់ប្រទេសអង់គ្លេស និងចូលរួមជាមួយក្លឹបនៅទីក្រុងឡុងដ៏។ ក្លឹប Dortmund ហាក់ដូចជាបើកចំហរក្នុងការអនុញ្ញាតអោយយុវជនឆ្នើមរូបនេះចាកចេញពីក្លឹបនៅក្នុងតម្លៃប្រមាណ ៣០លានអឺរ៉ូ ដែលធ្វើអោយមានភាពទាក់ទាញសម្រាប់ក្លឹប Chelsea។
បើយោងតាមការចេញផ្សាយរបស់ Caught Offside បានអោយដឹងថាក្លឹប Chelsea អាចផ្តល់នៅកិច្ចសន្យារយៈពេលវែងដល់កីឡាករ Adeyemi ដែលអាចរក្សាគាត់នៅ Stamford Bridge រហូតដល់ឆ្នាំ២០៣០ ឬ ២០៣១។ លើសពីនេះ ការផ្ទេរយកគាត់អាចជះឥទ្ធិពលទៅដល់អនាគតរបស់កីឡាករ Raheem Sterling ។ ជាមួយនឹងការចាប់អារម្មណ៍ពីក្លឹបនៅ Saudi Pro League ធ្វើអោយតំណែងរបស់កីឡាករ Sterling នៅក្លឹប Chelsea ហាក់មានភាពគំរាមកំហែងប្រសិនជាកីឡាករ Adeyemi ផ្ទេរមកកាន់អង់គ្លេសមែន។
ចាប់តាំងពីការមកចូលរួមជាមួយនឹងក្លឹប Dortmund ពីក្លឹប Red Bull Salzburg ក្នុងឆ្នាំ២០២២មក កីឡាករ Adeyemi បានបង្ហាញនៅឥទ្ធិពលរបស់ខ្លួនចំពោះក្លឹប ។ ស្របពេលដែលក្លឹបបានប្តូរនៅតួនាទីរបស់គាត់ពីខ្សែប្រយុទ្ធកណ្តាលទៅលេងនៅតំបន់ស្លាបវិញ បានធ្វើការស្វែងរកគ្រាប់បាល់មានការធ្លាក់ ខណៈពេលដែលគាត់ស៊ុតបញ្ចូលទីបានតែ ១៤គ្រាប់ប៉ុណ្ណោះក្នុងការបង្ហាញខ្លួន ៦៦លើក។ ទោះជាយ៉ាងណាក៏ដោយកីឡាករ Adeyemi អាចផ្តល់អោយក្លឹប Chelsea នៅការពង្រឹងក្នុងតំបន់ប្រយុទ្ធ។ ជាមួយនឹងល្បឿន បច្ចេកទេស និងសមត្ថភាពក្នុងការលេងជាច្រើនតំណែងនៅតំបន់ប្រយុទ្ធ បានធ្វើអោយគាត់មានការទាក់ទាញយ៉ាងខ្លាំង។
នេះបើយោងតាមការចេញផ្សាយរបសប់ Sky Germany បានអោយដឹងថាក្លឹប Chelsea កំពុងធ្វើការយ៉ាងលឿន ដើម្បីអាចបញ្ចប់នៅការផ្ទេរមួយនេះ ខណៈដែលក្លឹបដូចជា Juventus និង AC Milan បានបង្ហាញការចាប់អារម្មណ៍លើកីឡាករ Adeyemi ដូចគ្នា។ លោក Arne Slot ក៏កំពុងតាមដានទៅលើស្ថានភាពរបស់កីឡាករ Adeyemi ហើយអាចនឹងស្នើរអោយក្លឹប Liverpool ធ្វើការផ្ទេរយកកីឡាករសញ្ជាតិអាឡឺម៉ង់៕
