បរទេស៖ ក្លឹប Liverpool ត្រូវបានគេរាយការណ៍អោយដឹងថាកីឡាករ Trent Alexander-Arnold នឹងមិនបន្តកិច្ចសន្យារបស់គាត់ទេ ហើយប្រហែលជាក្លឹបចង់លក់ខ្សែការពាររូបនេះនៅក្នុងខែមករា។
យោងតាមការចេញផ្សាយរបស់ Marca បានអោយដឹងថាក្លឹប Liverpool បានបោះបង់ក្តីសង្ឃឹមយ៉ាងសំខាន់ក្នុងការព្យាយាមអោយកីឡាករ Alexander-Arnold បន្តស្នាក់នៅជាមួយក្លឹប ហើយដូច្នេះកំពុងពិចារណាលក់កីឡាករវ័យ ២៦ឆ្នាំក្នុងខែមករា ដើម្បីកុំឱ្យបាត់បង់គាត់ដោយឥតគិតថ្លៃនៅក្នុងរដូវក្តៅ។ ក្លឹប Real Madrid គឺជាអ្នកកោតសរសើរយ៉ាងខ្លាំងចំពោះខ្សែការពារម្នាក់នេះ ហើយបានបើកចំហអំពីការចាប់អារម្មណ៍របស់ពួកគេលើ Alexander-Arnold ។ ទោះជាយ៉ាងណាក៏ដោយ ប្រធានក្លឹបលោក Florentino Perez និងសហសេវិកបាននឹងកំពុងដំណើរការយ៉ាងប្រុងប្រយ័ត្ន ខណៈដែលពួកគេចង់រក្សាទំនាក់ទំនងល្អរបស់ពួកគេជាមួយ Liverpool ៕
