បរទេស៖ កីឡាករ Wirtz បានកំពុងបង្ហាញទម្រង់លេងយ៉ាងលេចធ្លោនៅក្នុងតំបន់អឺរ៉ុប ហើយធ្វើអោយមានការចាប់អារម្មណ៍ពីក្លឹបធំៗជាច្រើន។ យោងតាមការចេញផ្សាយរបស់ Sky Germany បានអោយដឹងថាក្លឹប City ចាត់ទុកកីឡាករ Wirtz ជាបេក្ខភាពដ៏ស័ក្តិសមក្នុងការមកជំនួសកន្លែងរបស់ De Bruyne ប្រសិនបើគាត់សម្រេចចិត្តផ្ទេរទៅអារ៉ាប៊ីសាអូឌីតនៅរដូវក្តៅក្រោយ ដើម្បីចូលរួមជាមួយក្រុម Al-Nassr របស់ Cristiano Ronaldo។ ជាងនេះទៅទៀត នៅក្នុងវ័យ ៣៣ឆ្នាំ សំណួរកំពុងត្រូវបានលើកឡើងអំពីកាយសម្បទា និងទម្រង់លេងរយៈពេលវែងរបស់គាត់ ខណៈដែលខ្សែបម្រើរូបនេះបានខកខានការប្រកួតជាច្រើនសម្រាប់ City កាលពីរដូវកាលមុន ហើយកំពុងជួបបញ្ហាសុខភាពផងដែរ។
ទន្ទឹមនឹងនេះដែរ ក្លឹប Bayern ក៏បានចាប់ទុកកីឡាករ Wirtz ជាគោលដៅចម្បងរបស់ពួកគេសម្រាប់ទីផ្សារដោះដូរកីឡាករនាពេលខាងមុខ។ នាយកកីឡារបស់ពួកគេ គឺលោក Max Eberl បានផ្តួចផ្តើមការសន្ទនាជាមួយភ្នាក់ងាររបស់កីឡាករ Wirtz រួចហើយ ដែលជាសញ្ញាបង្ហាញពីចេតនារបស់ក្លឹប Bayernដើម្បីធ្វើការផ្ទេរដ៏សំខាន់មួយ។ កីឡាករក៏ជឿជាក់ផងដែរថាការបន្តនៅអាឡឺម៉ង់ នឹងមានប្រយោជន៍ដល់ការអភិវឌ្ឍន៍របស់គាត់ មុនពេលពិចារណាការផ្ទេរទៅក្រៅប្រទេស ដោយបង្ហាញពីចំណូលចិត្តរបស់គាត់ក្នុងការបន្តស្នាក់នៅក្នុងលីកដែលធ្លាប់ស្គាល់សម្រាប់ពីរបីរដូវកាលទៀត។
ក្រៅពី City និង Bayern ក្រុមយក្សនៅ Premier League ផ្សេងទៀតដូចជា Liverpool, Arsenal និង Manchester United ត្រូវបានគេរាយការណ៍ថាបានបង្ហាញពីចំណាប់អារម្មណ៍លើ Wirtz ដូចគ្នា។ ក្រៅពីក្រុមនៅអង់គ្លេស ម្ចាស់ជើងឯកបារាំង Paris Saint-Germain ក៏ចាប់អារម្មណ៍លើខ្សែបម្រើវ័យក្មេងរូបនេះដែរ។ សូម្បីតែក្រុម Real Madrid ដែលតែងតែស្វែងរកកីឡាករមានទេពកោសល្យកំពូលៗ ក៏កំពុងតាមដាន Wirtz ដូចគ្នា។
ក្លឹប Leverkusen បានបញ្ជាក់យ៉ាងច្បាស់ថាពួកគេចង់លក់ Wirtz ទោក្រៅប្រទេស ដោយសង្ឃឹមថានឹងជៀសវាងការលក់ទៅអោយដៃគូរប្រជែង Bayern Munich នៅអាឡឺម៉ង់។ សេណារីយ៉ូដ៏ល្អរបស់ក្លឹបអាឡឺម៉ង់នឹងឃើញ Wirtz បន្តកិច្ចសន្យាបច្ចុប្បន្នរបស់គាត់ដែលដំណើរការរហូតដល់ឆ្នាំ ២០២៧ ប៉ុន្តែការរំពឹងទុកនៃការលក់ដែលអាចរកកម្រៃបានយ៉ាងច្រើននៅតែមាននៅលើតុ។ ប្រសិនបើ Wirtz ត្រូវបានលក់ ខាងក្លឹប Leverkusen បានកំណត់តម្លៃខ្លួនកីឡាកររូបនេះប្រមាណ ៩០លានអឺរ៉ូ ដែលរួមបញ្ចូលទាំងប្រាក់រង្វាន់ ឫក៏ការប្តូរកីឡាករផងដែរ។
មានការផ្ដល់យោបល់ថា Bayern អាចផ្តល់ជូនកីឡាករវ័យក្មេង Paul Wanner ដែលបច្ចុប្បន្នកំពុងលេងខ្ចីជើងនៅក្លឹប Heidenheim ដែលជាផ្នែកមួយនៃកិច្ចព្រមព្រៀងដ៏មានសក្តានុពលសម្រាប់ផ្ទេរយកកីឡាករ Wirtz ។ ថាតើ Leverkusen នឹងទទួលបានការផ្តល់ជូនបែបនេះ ដែលនៅតែត្រូវបានគេមើលឃើញ ប៉ុន្តែវាច្បាស់ណាស់ថាការចរចាណាមួយដែលពាក់ព័ន្ធនឹង Wirtz នឹងពាក់ព័ន្ធនឹងការចំណាយហិរញ្ញវត្ថុសំខាន់ៗ និងផែនការយុទ្ធសាស្រ្ត៕
