បរទេស៖ កីឡាករ Kylian Mbappe បានបង្ហើបថាគាត់បានត្រៀមខ្លួនរួចជាស្រេចដើម្បីបោះបង់ក្តីស្រមៃរបស់គាត់ក្នុងការចូលរួមជាមួយក្រុម Real Madrid ដើម្បីសង្គ្រោះអាជីពរបស់បងប្រុសកីឡាករ Ethan កាលនៅក្លឹប PSG ។
ថ្លែងទៅកាន់ Canal+ កីឡាករសញ្ជាតិបារាំងរូបនេះបាននិយាយថា៖ “វាជារឿងដែលប៉ះពាល់ដល់ខ្ញុំជាងគេ។ គាត់ (Ethan) មិនបានសុំអ្វីទាំងអស់។ Real Madrid ជាក្តីស្រម៉ៃរបស់ខ្ញុំ ដោយឡែក របស់គាត់គឺ PSG ។ អ្វីដែល Real មានន័យចំពោះខ្ញុំ ហើយក្តីសុបិន្តកាលពីកុមារភាពរបស់គាត់គឺ PSG ។ នៅពេលមួយ ខ្ញុំថែមទាំងបានប្រាប់គាត់ថា ‘ប្រសិនបើអ្នកចង់ឱ្យខ្ញុំទៅ ខ្ញុំនឹងបន្ត [កិច្ចសន្យារបស់ខ្ញុំ] ហើយអ្នកអាចស្នាក់នៅ យើងនឹងបន្តនៅទីនេះ។ Ethan បានប្រាប់ខ្ញុំថា… ‘ខ្ញុំមិនចង់នៅទីនេះទេ។ អ្វីដែលពួកគេបានធ្វើចំពោះអ្នក អ្វីដែលពួកគេបានធ្វើចំពោះខ្ញុំ វាមិនមែនជារឿងធម្មតាទេ។’ ខ្ញុំនឹងបោះបង់ក្តីស្រម៉ៃក្នុងការទៅចូលរួមជាមួយក្លឹប Real Madrid ហើយនឹងស្នាក់នៅបន្តជាមួយគាត់”៕
