បរទេស៖ នេះបើយោងតាមការចេញផ្សាយរបស់ L’Equipe បានអោយដឹងថាកីឡាករ Duran ត្រៀមរួចរាល់ក្នុងការផ្ទេរទៅកាន់ក្លឹប Al-Nassr នៅ Saudi Pro League ។ ក្លឹប Aston Villa ត្រៀមទទួលយកសំណើលើសពី ៧០លានអឺរ៉ូ សម្រាប់កីឡាករវ័យ ២១ឆ្នាំ ដែលបានយល់ព្រមលើលក្ខខណ្ឌផ្ទាល់ខ្លួនជាមួយនឹងក្លឹបនៅមជ្ឈឹមបូព៌ារួចហើយ។
.jpeg?auto=webp&format=pjpg&width=3840&quality=60)
អស់រយៈពេលជាយូរ Villans បានរក្សាថា Duran នឹងមិនអនុញ្ញាតអោយគាត់ចាកចេញពីក្លឹបក្នុងខែមករាទេ។ ហើយបើយោងតាមការចេញផ្សាយរបស់ Foot Mercato បានអោយដឹងថាក្លឹប Paris Saint-Germain ត្រូវបានបញ្ជាក់បានរៀបចំសំណើរដោះដូរក្នុងរដូវក្តៅខាងមុខ ខណៈក្លឹប Real Madrid ក៏បានចូលរួមប្រជែងក្នុងការចុះហត្ថលេខាយកកីឡាករ Duran ផងដែរ ដោយនឹងយកកីឡាករ Endrick មកប្តូរនឹងគាត់។ ទោះជាយ៉ាងណាក៏ដោយ ឥឡូវនេះហាក់ដូចជាក្លឹប Al-Nassr នឹងផ្តួលក្លឹបទាំងពីរ ហើយត្រៀមចុះហត្ថលេខាយកកីឡាករ Duran។
កីឡាករ Ronaldo បាននឹងកំពុងជំរុញឱ្យក្លឹបរបស់គាត់ចុះហត្ថលេខាលើខ្សែប្រយុទ្ធថ្មីដើម្បីពង្រឹងក្រុមរបស់ពួកគេ ដូច្នេះក្លឹប Al-Nassr អាចធ្វើការប្រជែងពាន Saudi Pro League សម្រាប់ពាក់កណ្តាលរដូវកាលដែលនៅសល់។ ជាមួយនឹងកីឡាករ Anderson Talisca បានចាកចេញទៅចូលរួមជាមួយក្លឹប Fenerbahce ឥឡូវនេះពួកគេនៅសល់កន្លែងទំនេរសម្រាប់ចុះហត្ថលេខាយកកីឡាករបរទេសមកកាន់ក្រុមរបស់ខ្លួន។
កីឡាករ Ronaldo និងក្រុមរបស់គាត់ នឹងត្រលប់មកវិញនៅថ្ងៃព្រហស្បតិ៍ ខណៈដែល Al-Nassr ប៉ះ Al-Raed ក្រៅផ្ទះក្នុងការប្រកួតលីក។ ទន្ទឹមនឹងនោះ Duran នឹងត្រលប់មកលេងឱ្យ Villa ក្នុង Champions League ទល់នឹង Celtic នៅយប់ថ្ងៃពុធ៕
