បរទេស៖ អតីតប្រធានក្រុម Wolverhampton Wanderers កីឡាករ Mario Lemina បានចូលរួមជាមួយក្លិប Galatasaray របស់ទួរគី Super Lig ជាផ្លូវការហើយ។ គាត់បានចុះហត្ថលេខាទៅលើកុងត្រារយៈពេល ១៨ខែ ដែលរួមបញ្ចូលនៅជម្រើសក្នុងការពន្យាពេល ១ឆ្នាំបន្ថែមទៀត។
យោងតាមប្រភពដដែរ កិច្ចព្រមព្រៀងនេះមានតម្លៃក្រោម ៣លានផោន។ ដំបូងឡើយកីឡាករ Lemina បានចូលរួមជាមួយក្លឹប Wolves ក្នុងខែមករា ឆ្នាំ២០២៣ ពីក្លឹបបារាំង Nice ។ កំឡុងពេលគាត់នៅកីឡដ្ឋាន Molineux គាត់បានក្លាយជាតួអង្គសំខាន់ក្នុងក្រុម ដោយបង្ហាញខ្លួនបាន ៧៧ដង ហើយស៊ុតបញ្ចូលទីបាន ៦គ្រាប់ និងបញ្ចូនបាល់អោយមិត្តរួមក្រុមបញ្ចប់ទី៥ ដង៕
