បរទេស៖ ប្រធានក្លឹប Tottenham Hotspur លោក Daniel Levy បានប្រឈមមុខនឹងការរិះគន់យ៉ាងខ្លាំងក្នុងប៉ុន្មានឆ្នាំថ្មីៗនេះ ទាក់ទងនឹងការដឹកនាំក្លឹបរបស់គាត់។ អ្នកគាំទ្រ និងប្រព័ន្ធផ្សព្វផ្សាយជាច្រើនបានចោទសួរការសម្រេចចិត្តរបស់គាត់ ដែលជារឿយៗចោទប្រកាន់គាត់ថាខ្វះមហិច្ឆតាក្នុងគ្រាសំខាន់ៗ។
នេះបើយោងតាមការចេញផ្សាយរបស់ BBC បានអោយដឹងថាលោក Levy ត្រូវបានរងផលប៉ះពាល់យ៉ាងខ្លាំងដោយការតវ៉ាពីអ្នកគាំទ្រ Spurs ហើយបានបើកចំហរក្នុងការចាកចេញ ប្រសិនបើការចាកចេញរបស់គាត់នឹងផ្តល់អត្ថប្រយោជន៍ដល់អនាគតរបស់ក្លឹប៕
