បរទេស៖ ក្លឹប Parma ដែលបច្ចុប្បន្នកំពុងប្រយុទ្ធដើម្បីគេចចេញពីការកាត់ចោលនោះ បានតែងតាំងលោក Cristian Chivu ជាគ្រូបង្វឹកថ្មីរបស់ពួកគេ។ ក្លឹបកំពុងឈរនៅចំណាត់ថ្នាក់ទី១៨ ក្នុងតារាង Serie A ហើយពួកគេត្រូវការធ្វើការផ្លាស់ប្តូរដើម្បីអាចបន្តមានឪកាសលេងនៅក្របខ័ណ្ឌកំពូលរបស់ប្រទេសអ៊ីតាលី។ ថ្មីៗនេះក្លឹប Parmaបានចែកផ្លូវជាមួយលោក Fabio Pecchia បន្ទាប់ពីបរាជ័យបួនដងជាប់ៗគ្នា។
លោក Chivu ដែលជាអតីតកីឡាករជម្រើសជាតិរ៉ូម៉ានី បាន ឈានជើងចូលតួនាទីជាអ្នកគ្រប់គ្រង បន្ទាប់ពីធ្លាប់ធ្វើការជាមួយក្រុមយុវជនរបស់ Inter Milan។ ការដឹកនាំក្រុមលើដំបូងរបស់គាត់នឹងជាការប្រកួតដ៏សំខាន់ក្នុងផ្ទះទល់នឹង Bologna នៅថ្ងៃសៅរ៍៕
