បរទេស៖ នេះបើយោងតាមការចេញផ្សាយរបស់ Sky Deutschland បានអោយដឹងថាមានឈ្មោះកីឡាករចំនួន ៤នាក់ដែលស្ថិតនៅក្នុងបញ្ជីកីឡាករដែលក្លឹប Manchester United ចង់បាន។ កីឡាករ Viktor Gyokeres ដែល Amorim ស្គាល់ច្បាស់តាំងពីពេលគាត់នៅ Sporting ក៏ស្ថិតនៅក្នុងបញ្ជីរបស់ក្លឹបដែរ។ ទោះបីជាយ៉ាងណាក៏ដោយ កីឡាករសញ្ជាតិស៊ុយអែតត្រូវបានផ្សារភ្ជាប់ជាមួយនឹងការផ្ទេរទៅកាន់ក្លឹបជាច្រើននៅតំបន់អឺរ៉ុប។
តារាឆ្នើមរបស់ក្លឹប RB Leipzig កីឡាករ Benjamin Sesko គឺជាកីឡាករម្នាក់ទៀតដែលកំពុងទាក់ទាញការចាប់អារម្មណ៍យ៉ាងខ្លាំង ខណៈដែលកីឡាករសញ្ជាតិនីហ្សេរីយ៉ា Victor Osimhen ដែលបច្ចុប្បន្នកំពុងខ្ចីជើងនៅក្លឹប Galatasaray ពីក្លឹប Napoli ក៏មើលឃើញថាអាចផ្ទេរទៅកាន់ Premier League ដូចគ្នា។ ខ្សែប្រយុទ្ធ Hugo Ekitike របស់ Eintracht Frankfurt គឺជាឈ្មោះចុងក្រោយក្នុងបញ្ជីដែលក្លឹប United ចង់បាន៕
