បរទេស៖ នេះបើយោងតាមការចេញផ្សាយរបស់លោក Florian Plettenberg អ្នកសារព័ត៌មានរបស់ Sky Sports Deutschland បានអោយដឹងថាក្លឹប Manchester United ត្រូវបានរាយការណ៍ថាបានបន្ថែមកីឡាករ Benjamin Sesko របស់ RB Leipzig និង Hugo Ekitike របស់ Eintracht Frankfurt ទៅក្នុងបញ្ជីខ្សែប្រយុទ្ធដែលក្លឹបចង់បាននៅក្នុងទីផ្សារដោះដូររដូវក្តៅនេះ។
កីឡាករ Sesko វ័យ ២១ឆ្នាំមានទម្រង់លេងល្អក្នុងរដូវកាលនេះ ដោយរកបាន ១៦គ្រាប់ក្នុងការបង្ហាញខ្លួន ៣៥ដងក្នុងការប្រកួតទាំងអស់។ ទន្ទឹមនឹងនេះដែរកីឡាករ Ekitike វ័យ ២២ឆ្នាំបានរួមចំណែក ១៩គ្រាប់ក្នុង ៣៧ប្រកួតដែលធ្វើឱ្យខ្សែប្រយុទ្ធវ័យក្មេងទាំងពីររូប បានក្លាយជាជម្រើសដ៏គួរឱ្យទាក់ទាញសម្រាប់ការកសាងក្រុមឡើងវិញសម្រាប់តំបន់ប្រយុទ្ធរបស់ United ។ ខណៈដែល Sesko និង Ekitike កំពុងស្ថិតក្រោមការពិចារណា កីឡាករ Viktor Gyökeres របស់ Sporting CP និង Victor Osimhen របស់ Napoli នៅតែជាគោលដៅអាទិភាពរបស់ Manchester United ដួចគ្នា៕
