បរទេស៖ បន្ទាប់ពីការផ្ទេរឆ្នាំ២០២៤ ទៅកាន់កីឡដ្ឋាន Stade Velodrome កីឡាករ Mason Greenwood រីករាយនឹងការចាប់ផ្តើមដ៏ភ្លឺស្វាងចំពោះអាជីពរបស់ខ្លួននៅក្នុងបាល់ទាត់បារាំង។ គាត់នៅតែជាអ្នកស៊ុតបញ្ចូលទីច្រើនជាងគេនៅក្លឹប Marseille សម្រាប់រដូវកាលនេះ ដោយរកបាន ១៥គ្រាប់ក្នុងការបង្ហាញខ្លួន ២៦ដងនៅ Ligue 1។
យ៉ាងណាក៏ដោយកីឡាករ Greenwood បានធ្លាក់ចុះការជ្រើសរើសសម្រាប់ការប្រកួត ក្រោមការដឹកនាំរបស់លោក Roberto De Zerbi។ ការទាមទាររបស់គ្រូបង្វឹករូបនេះ ចំពោះកីឡាករវ័យ ២៣ឆ្នាំកាលពីពេលថ្មីៗនេះ ដែលបានធ្វើអោយគាត់ត្រូវបានដកចេញពីជម្រើស ១១នាក់ដំបូងថា៖ “ខ្ញុំរំពឹងពីគាត់កាន់តែច្រើន។ គាត់ត្រូវតែធ្វើបន្ថែមទៀត ព្រោះអ្វីដែលគាត់កំពុងបង្ហាញនាពេលនេះគឺមិនគ្រប់គ្រាន់ទេ”។
ក្លឹប Marseille បានរួមបញ្ចូល Greenwood ក្នុងចំណោមកីឡាករបម្រុងរបស់ពួកគេសម្រាប់ការបរាជ័យក្រោមស្នាដៃ Lens និង Paris Saint-Germain មុនការសម្រាក់អន្តរជាតក្នុងខែមីនា។ ពួកគេនឹងត្រលប់មកវិញក្នុងការប្រកួតទល់នឹង Reims នៅថ្ងៃសៅរ៍នេះ ដោយកីឡាករ Greenwood នឹងត្រលប់មកហ្វឹកហាត់វិញមុនការប្រកួត ដើម្បីបំពេញចិត្តគ្រូបង្វឹក។
ទោះជាយ៉ាងណាក៏ដោយបើយោងតាមការចេញផ្សាយរបស់ La Provence ត្រូវបានរាយការណ៍ថា Greenwood មានពេលវេលាដ៏ចុងបញ្ចប់នៃរដូវកាលនេះ ដើម្បីទទួលបានការទុកចិត្តពីសំណាក់គ្រូបង្វឹក។ ប្រសិនបើគាត់បរាជ័យក្នុងការធ្វើរឿងនេះ ហើយមានន័យថាការពិភាក្សាចាកចេញរបស់កីឡាករ Greenwood នឹងកើតឡើងនៅក្នុងទីផ្សារដោះដូរកីឡាកររដូវក្តៅ៕
