បរទេស៖ កីឡាករ Hojlund មានយុទ្ធនាការដ៏អាក្រក់ជាលើកទីពីរនៅ Old Trafford ហើយអាចត្រឡប់ទៅអ៊ីតាលីវិញ ជាកន្លែងដំបូងដែលគាត់លេងឱ្យ Atalanta ។ ហើយបើយោងតាមការចេញផ្សាយរបស់លោក Fabrizio Romano បានអោយដឹងថាក្លឹប Juventus និង Napoli ធ្លាប់បានធ្វើការសាកសួរអំពីខ្សែប្រយទ្ធរូបនេះ ហើយក្លឹប Inter គឺជាក្លឹបចុងក្រោយគេដែលបានចាប់អារម្មណ៍ទៅលើគាត់។
កីឡាករ Hojlund មានពេលវេលាដ៏គួរឱ្យធុញទ្រាន់ចាប់តាំងពីផ្លាស់ទៅ Premier League ក្នុងឆ្នាំ២០២៣ ដោយស៊ុតបញ្ចូលទីបាន ២៦គ្រាប់ក្នុងការបង្ហាញខ្លួន ៩៤លើកសម្រាប់ក្រុមបិសាចក្រហម ហើយក្នុងនោះមាន ១០គ្រាប់ប៉ុណ្ណោះ សម្រាប់ ៥១ប្រកួតនៅរដូវកាលនេះ។ ក្លឹប United នឹងត្រូវធ្វើការលក់នៅរដូវក្តៅនេះ ហើយពួកគេកំពុងពិចារណាលក់កីឡាករសញ្ជាតិដាណឺម៉ាករូបនេះផងដែរ។
ខ្សែប្រយុទ្ធកណ្តាលថ្មីគឺជាអាទិភាពក្នុងការផ្ទេរសម្រាប់ក្លឹប United ក្រោមការដឹកនាំរបស់លោក Ruben Amorim នៅរដូវក្តៅនេះ កីឡាករLiam Delap របស់ Ipswich គឺជាគោលដៅសំខាន់ ខណៈពេលដែល Matheus Cunha ត្រូវបានគេរាយការណ៍ថានឹងផ្ទេរមកពីក្លឹប Wolves។
កីឡាករ Hojlund អាចនឹងមានវត្តមានសម្រាប់ក្រុម Manchester United ក្នុងការប្រកួតចុងក្រោយរបស់ពួកគេក្នុងក្របខ័ណ្ឌ Premier League នៃរដូវកាលនេះជាមួយក្រុមAston Villa នៅថ្ងៃអាទិត្យ ដែលអាចជាការបង្ហាញខ្លួនចុងក្រោយរបស់គាត់សម្រាប់ក្លឹប៕
