បរទេស៖ ក្លឹប Middlesbrough បានចែកផ្លូវជាមួយ Michael Carrick បន្ទាប់ពីការខកខានរបស់ក្លឹបក្នុងការទទួលបានកៅអីក្នុងការប្រកួតជម្រុះ Championship ។ ការសម្រេចចិត្តនេះនាំមកនូវការបញ្ចប់តំណែងជាគ្រូបង្វឹករយៈពេល ៣ឆ្នាំរបស់បុរសវ័យ ៤២ឆ្នាំ ដោយបានចូលកាន់តំណែងក្នុងខែ តុលា ឆ្នាំ២០២២។
សេចក្តីថ្លែងការណ៍របស់ក្លឹបបានសរសេរថា “ក្លឹបបាល់ទាត់ Middlesbrough បានចែកផ្លូវគ្នាជាមួយគ្រូបង្វឹក Michael Carrick នៅថ្ងៃនេះ។ ជំនួយការរបស់គាត់មាន Jonathan Woodgate និង Graeme Carrick ក៏បានចាកចេញពីក្លឹបផងដែរ។ យើងសូមអរគុណដល់ Michael, Jonathan និង Graeme សម្រាប់ការខិតខំប្រឹងប្រែង និងការប្តេជ្ញាចិត្តមិនផ្លាស់ប្តូរ។ យើងសូមជូនពរឱ្យពួកគេទទួលបានជោគជ័យបំផុតសម្រាប់អនាគត”៕
