បរទេស៖នេះបើយោងតាមការចេញផ្សាយរបស់ The Guardian បានអោយដឹងថាកីឡាករ Gyokeres បាននិយាយថា វានឹងក្លាយជា “ក្តីសុបិន” របស់គាត់ក្នុងការចុះហត្ថលេខាសម្រាប់ Arsenal ។ ក្រុមកាំភ្លើងធំមានលក្ខណៈសម្បត្តិគ្រប់គ្រាន់សម្រាប់ការប្រកួតក្របខ័ណ្ឌ Champions League លើកក្រោយ ខណៈដែល Man Utd កំពុងស្ថិតនៅពាក់កណ្តាលនៃការកសាងឡើងវិញដ៏យូរ។ ភ្នាក់ងាររបស់កីឡាករវ័យ ២៧ឆ្នាំបានជូនដំណឹងដល់ក្រុម Man Utd ថាអនាគតរបស់គាត់ស្ថិតនៅកន្លែងផ្សេង។
ទោះបីជាកីឡាករ Gyokeres ចង់បានការផ្លាស់ប្តូរទៅកាន់ភាគខាងជើងទីក្រុងឡុងដ៍ក៏ដោយ វាគឺនៅឆ្ងាយពីកិច្ចព្រមព្រៀងនៅឡើយ។ បើយោងតាមការចេញផ្សាយរបស់ The Guardian បានអោយដឹងថាលោក Mikel Arteta ចង់ពង្រឹងជម្រើសដ៏គួរឱ្យចាប់អារម្មណ៍សម្រាប់ក្រុមរបស់គាត់ដោយធ្វើកិច្ចព្រមព្រៀងសម្រាប់ Bejamin Sesko របស់ RB Leipzig ។ កីឡាករសញ្ជាតិស្លូវេនីអាយុ ២២ឆ្នាំរូបនេះអាចរកបានក្នុងតម្លៃ ៦០លានផោន ខណៈកីឡាករ Gyokeres របស់ក្លឹប Sporting មានតម្លៃ ៦៩លានផោន។
ការស្វែងរកកីឡាករលេខ៩ ដើម្បីដឹកនាំក្រុម United បានផ្លាស់ប្តូរត្រឹមតែប៉ុន្មានសប្តាហ៍ប៉ុណ្ណោះក្នុងទីផ្សារដោះដូរកីឡាករ។ បិសាចក្រហមក៏ត្រូវបានផ្សារភ្ជាប់ជាមួយនឹងកីឡាករ Hugo Ekitike របស់ Eintracht Frankfurt និងកីឡាករ Victor Osimhen របស់ Napoli ផងដែរ។
ការរំពឹងទុកអំពីអនាគតរបស់ Gyokeres គឺជារឿងដ៏ធំបំផុតមួយនៃរដូវក្តៅ។ ជាមួយនឹងរបាយការណ៍ចុងក្រោយនេះ បានបង្ហាញថាក្លឹបបិសាចក្រហមមិនបានបង្ហាញសញ្ញានៃការដោះស្រាយភ្លាមៗនោះទេ ទោះបីជាកីឡាករបានបញ្ជាក់យ៉ាងច្បាស់ថាគាត់នឹងមិនចូលរួមជាមួយ Manchester United ក៏ដោយ៕
