បរទេស៖ ក្លឹប Leeds នឹងត្រលប់ទៅ Premier League វិញ ក្រោយទទួលបានពាន Championship កាលពីរដូវកាលមុន ហើយលោក Daniel Farke កំពុងបន្ថែមខ្សែប្រយុទ្ធជើងចាស់ Dominic Calvert-Lewin ទៅក្នុងក្រុមរបស់ពួកគេ។ កីឡាករវ័យ ២៨ឆ្នាំបានចាកចេញពី Everton ក្នុងនាមជាកីឡាករគ្មានតម្លៃខ្លួននៅរដូវក្តៅនេះ ដោយបានបដិសេធសំណើរកិច្ចសន្យាថ្មីរបស់ក្លឹប Everton។
កីឡាករ Calvert-Lewin បានបញ្ចប់អាជីពនៅក្លឹប Everton ។ ដោយសារបញ្ហារបួស គាត់បានបង្ហាញខ្លួនត្រឹមតែ ២៦ដងប៉ុណ្ណោះនៅក្នុង Premier League កាលពីរដូវកាលមុន ហើយក្នុងអំឡុងពេលនៅក្លឹប Everton គាត់បានស៊ុតបញ្ចូលទី ៧១គ្រាប់ក្នុងការបង្ហាញខ្លយន ២៧៤ដង។
ដោយបានចាប់ផ្តើមអាជីពនៅក្លឹប Sheffield United កីឡាករ Calvert-Lewin ទៅចូលរួមជាមួយក្លឹប Everton នឹងបានចំណាយពេល ៩ឆ្នាំនៅ Goodison Park ។ នៅពេលនោះ គាត់ក៏រកបាន ១១គ្រាប់ឱ្យក្រុមជម្រើសជាតិអង់គ្លេសដែរ ប៉ុន្តែមិនបានបង្ហាញខ្លួនអោយជម្រើសជាតិចាប់តាំងពីឆ្នាំ ២០២១ មក។
កីឡាករ Calvert-Lewin គ្រោងនឹងទទួលការពិនិត្យសុខភាពនៅ Leeds នៅថ្ងៃពុធ មុនពេលចុះហត្ថលេខាលើកុងត្រាជាមួយក្រុមលោក Daniel Farke ។ Leeds បើកឆាកប្រកួតរបស់ពួកគេទល់នឹង Everton នៅថ្ងៃសៅរ៍៕
