បរទេស៖ Isak ដែលមិនទាន់មានកាយសម្បទាល្អគ្រប់គ្រាន់នៅឡើយ ត្រូវបានដកចេញពីក្រុម Reds (ឈ្មោះហៅក្រៅរបស់ Liverpool) ក្នុងការប្រកួតជាមួយ Burnley ខណៈដែលលោក Slot បានដាក់ឈ្មោះជម្រើសដំបូងដែលមិនផ្លាស់ប្តូរនៅកីឡដ្ឋាន Turf Moor។ Isak បានធ្វើកូដកម្មហើយត្រូវបានបណ្តេញចេញពីការហ្វឹកហាត់ក្រុមដំបូងរបស់ Newcastle ក្នុងអំឡុងពេលត្រៀមខ្លួនមុនរដូវកាល។ ជាលទ្ធផល កីឡាករជម្រើសជាតិស៊ុយអែតរូបនេះមិនបានហ្វឹកហាត់បានត្រឹមត្រូវទេ ហើយមិនទាន់មានកាយសម្បទាពេញលេញសម្រាប់ការប្រកួតនៅឡើយ។
Team news is IN 🔐 #BURLIV
— Liverpool FC (@LFC) September 14, 2025
ពន្យល់ពីការសម្រេចចិត្តរបស់គាត់ក្នុងការទុក Isak អោយនៅក្រៅក្រុម លោក Slot បានប្រាប់ទូរទស្សន៍ Sky Sports ថា៖ «ដូចដែលអ្នករាល់គ្នាបានដឹងហើយ គាត់មិនបានចូលរួមការហ្វឹកហាត់ជាក្រុមណាមួយនៅ Newcastle ទេ បន្ទាប់មកបានទៅក្រុមជម្រើសជាតិហើយបានលេងត្រឹមតែ ១៥ ឬ ២០ នាទី ប៉ុណ្ណោះ។ យើងគិតថាជាមួយនឹងសប្តាហ៍ដែលយើងលេងបីប្រកួតក្នុងរយៈពេលប្រាំពីរថ្ងៃ នេះគឺជាការរៀបចំដ៏ល្អបំផុតសម្រាប់គាត់ដើម្បីអាចលេងបានទល់នឹង Atletico Madrid»។
កីឡាករ Jeremie Frimpong ដែលបានរងរបួសអំឡុងការប្រកួតបើកឆាករបស់ក្រុម Reds ទល់នឹង Bournemouth បានខកខានការប្រកួត Premier League ពីរលើកបន្ទាប់របស់ក្លិបទល់នឹងក្រុម Newcastle និង Arsenal ប៉ុន្តែឥឡូវនេះបានត្រលប់មកក្រុមប្រកួតវិញហើយ ហើយនឹងចាប់ផ្តើមពីកៅអីបម្រុងទល់នឹង Burnley។ ក្នុងអវត្តមានរបស់ខ្សែការពារស្លាបសញ្ជាតិហូឡង់រូបនេះ Dominik Szoboszlai បានលេងជាខ្សែការពារស្លាបស្តាំបណ្តោះអាសន្ន។
ក្នុងអវត្តមានរបស់ Isak ក្រុមជើងឯកអង់គ្លេសនឹងបន្តពឹងផ្អែកលើខ្សែប្រយុទ្ធបារាំង Hugo Ekitike ដើម្បីរកគ្រាប់បាល់ ដែលគាត់បានតាមស្មើកំណត់ត្រារបស់ Daniel Sturridge ដែលមានរយៈពេល ១២ ឆ្នាំ រួចទៅហើយ ដោយស៊ុតបញ្ចូលទីក្នុងបីប្រកួតដំបូងរបស់គាត់សម្រាប់ក្រុម Reds។
ការបង្ហាញខ្លួនលើកដំបូងរបស់ Isak នឹងអាស្រ័យលើវឌ្ឍនភាពដែលគាត់បានធ្វើនៅក្នុងការហ្វឹកហាត់ ហើយវានៅតែត្រូវរង់ចាំមើលថាតើលោក Slot ទីបំផុតនឹងផ្តល់ឱកាសឱ្យគាត់បង្ហាញខ្លួនលើកដំបូងនៅក្នុងការប្រកួតបើកឆាក Champions League របស់ពួកគេទល់នឹងក្រុម Atletico Madrid នៅថ្ងៃពុធឬយ៉ាងណា៕
