Thomas Tuchel កោះហៅយុវជនឆ្នើមរបស់ក្រុម Man Utd ចូលរួមហ្វឹកហាត់ក្នុងក្រុមជម្រើសជាតិអង់គ្លេស

បរទេស៖ ការងើបឡើងយ៉ាងគំហុករបស់កីឡាករ Lacey មានលក្ខណៈគួរឲ្យកត់សម្គាល់។ បន្ទាប់ពីការស៊ុតបញ្ចូលទី ២ គ្រាប់ ទល់នឹងក្រុម Crystal Palace អាយុក្រោម ២១ ឆ្នាំ រូបគេបានទាក់ទាញចំណាប់អារម្មណ៍របស់លោក Tuchel និងលោក Ruben Amorim ដោយអ្នកក្រោយថែមទាំងបានអនុញ្ញាតឲ្យគេហ្វឹកហាត់ម្តងម្កាលជាមួយក្រុមធំរបស់ United ទៀតផង។ កីឡាករ Lacey ដែលត្រូវបានគេប្រៀបធៀបជាមួយតារាឆ្នើមក្រុម England និង Manchester City កីឡាករ Phil Foden រួចទៅហើយនោះ ត្រូវបានអ្នកជាច្រើនចាត់ទុកថាជា កំពូលតារាបាល់ទាត់នាពេលអនាគត។

ភាពបត់បែនរបស់ Lacey ដែលធ្វើឲ្យគេលេចធ្លោទាំងជា ខ្សែបម្រើស្លាបស្តាំ និង ខ្សែបម្រើប្រយុទ្ធ បានផ្តល់គុណសម្បត្តិដល់គេលើបេក្ខជនវ័យក្មេងដទៃទៀត។ ទោះបីជាមិនទាន់បានបង្ហាញខ្លួនក្នុងក្រុមធំរបស់ United ក៏ដោយ ការបង្ហាញទម្រង់លេងដ៏អស្ចារ្យរបស់ Lacey នៅក្នុងក្រុមយុវជន បានធ្វើឱ្យគេមិនអាចព្រងើយកន្តើយបានឡើយ។

⌛️ pic.twitter.com/HfOsIdTwle

— Shea lacey (@Shealacey10) September 27, 2025

Lacey មិនមែនជាការកោះហៅដ៏គួរឱ្យភ្ញាក់ផ្អើលតែម្នាក់គត់នៅក្នុងវគ្គហ្វឹកហាត់ក្រុមជម្រើសជាតិ England ឈុតធំចុងក្រោយនោះទេ។ ជាមួយគ្នានេះដែរ កីឡាករវ័យ ១៩ ឆ្នាំ Lakyle Samuel និង Harrison Murray-Campbell ក៏ត្រូវបានកោះហៅផងដែរ។ កីឡាករ Samuel ជាខ្សែការពារដែលខ្ចីជើងនៅក្រុម Bromley ពីក្រុម Manchester City ហើយកីឡាករ Murray-Campbell ដែលជាខ្សែការពាររបស់ក្រុម Chelsea ត្រូវបានផ្តល់ឱកាសឲ្យបង្ហាញសមត្ថភាពនៅក្នុងក្រុមឈុតធំ។

Shea Lacey trains with the England senior team! 🦁💪✨ pic.twitter.com/KKk0XzfM8Q

— BeanymanSports (@BeanymanSports) October 8, 2025

កេរ្តិ៍ឈ្មោះរបស់ Lacey បន្តកើនឡើង នៅពេលដែលគេបង្កើតកេរ្តិ៍ឈ្មោះល្បីល្បាញជាតារាអនាគត។ កាលពីសប្តាហ៍មុន ក្នុងអំឡុងពេលនៃការយកឈ្នះដ៏គួរឲ្យចាប់អារម្មណ៍ ២-០ លើក្រុម Liverpool អាយុក្រោម ២១ ឆ្នាំ ក្រុមឈ្លប (Scouts) ពីទូទាំងលីគ EFL និង Premier League ត្រូវបានគេឃើញប្រមូលផ្តុំគ្នាមកទស្សនាការប្រកួតនេះ។ ដរាបណា Lacey ចាកចេញពីទីលាន ក្រុមឈ្លបជាច្រើនជឿថា ការសម្តែងបានចប់ហើយ ក៏ប្រមូលឥវ៉ាន់ និងចាកចេញទៅ នេះបង្ហាញពីឥទ្ធិពលរបស់កីឡាករវ័យជំទង់រូបនេះ។ ទម្រង់លេងរបស់គេបានធ្វើឲ្យកីឡាករក្រុមធំរបស់ United ដូចជា Harry Maguire មានការចាប់អារម្មណ៍យ៉ាងខ្លាំង បន្ទាប់ពីបានឃើញជំនាញរបស់ Lacey យ៉ាងជិតស្និទ្ធក្នុងការហ្វឹកហាត់។ ការអំពាវនាវឲ្យ Lacey ត្រូវបានបញ្ចូលក្នុងក្រុមសម្រាប់ការប្រកួតដំបូងរបស់ក្រុមធំ កាន់តែខ្លាំងឡើងៗជាមួយនឹងការប្រកួតនីមួយៗដែលកន្លងផុតទៅ។

ទោះបីជាការងើបឡើងយ៉ាងឆាប់រហ័សរបស់ Lacey ក៏ដោយ រហូតមកដល់ពេលនេះ គេបានបង្ហាញខ្លួនសម្រាប់ក្រុម England តែនៅកម្រិតអាយុក្រោម ១៥, ១៦ និង ១៧ ឆ្នាំ ប៉ុណ្ណោះ។ ទោះជាយ៉ាងណាក៏ដោយ នៅក្នុងព្រឹត្តិការណ៍ដ៏សំខាន់មួយក្នុងខែនេះ គេត្រូវបានកោះហៅចូលរួមក្រុមអាយុក្រោម ២០ ឆ្នាំ។ ជាមួយនឹងសក្តានុពលរបស់គេដែលត្រូវបានទទួលស្គាល់យ៉ាងច្បាស់ វាប្រហែលជាមិនយូរប៉ុន្មានទេ មុនពេលដែលយុវជនឆ្នើមរបស់ United រូបនេះនឹងបញ្ចេញពន្លឺនៅក្នុងក្រុមជម្រើសជាតិ England ឈុតធំ៕