បរទេស៖ ក្លឹប Bayern Munich នឹងមិនបណ្តេញគ្រូបង្វឹកលោក Thomas Tuchel ចេញទេ បើទោះជាពួកគេបរាជ័យក្រោមស្នាដៃក្លឹប Bochum កាលពីថ្ងៃអាទិត្យក៏ដោយ។
នៅពេលនេះ ក្លឹប Bayern បានចាញ់ ៣ប្រកួតជាប់ៗគ្នា ហើយមាន ៨ពិន្ទុតាមពីក្រោយក្រុមកំពូលតារាង Bundesliga គឺក្លឹប Bayer Leverkusen ប៉ុន្តែនាយកប្រតិបត្តិរបស់ក្លឹប Bayern Munich លោក Jan-Christian Dreesen បាននិយាយថាគាត់នឹងបន្តដឹកនាំ។
គាត់បានប្រាប់ Sport1 ថា៖ “ខ្ញុំមិនជឿលើសេចក្តីថ្លែងការណ៍របស់អ្នកគាំទ្រចំពោះគ្រូបង្វឹកនោះទេ។ ខ្ញុំបាននិយាយអ្វីមួយរួចហើយអំពីរឿងនេះ ប៉ុន្តែវាមិនមែនជាសំណួរដែលកើតឡើងសម្រាប់ពួកយើងនៅថ្ងៃនេះទេ។ យើងត្រូវផ្តោតទៅលើការប្រកួតបន្ទាប់”៕
