បរទេស៖ តារាឆ្នើមរបស់ក្លឹបហង្សក្រហម Liverpool កីឡាករ Harvey Elliott បានបង្ហាញអំពីបំណងរបស់គាត់ក្នុងការបន្តស្នាក់នៅកីឡដ្ឋាន Anfield បើទោះបីជាបន្ទាប់ពីការចាកចេញរបស់អ្នកចាត់ការ Jurgen Klopp នៅចុងបញ្ចប់នៃរដូវកាលនេះក៏ដោយ។
កីឡាករ Elliott បានប្រាប់ទៅកាន់ SWM ថា៖ “ខ្ញុំចង់បន្តឈ្នះពានរង្វាន់ជាមួយក្រុមនេះ។ ទាំងលក្ខណៈបុគ្គល និងជាក្រុម យើងមិនដែលស្កប់ស្កល់នឹងអ្វីដែលយើងមានទេ យើងតែងតែចង់បានច្រើនជាងនេះ ខ្ញុំស្រេកឃ្លានជ័យជំនះ។ ខ្ញុំសង្ឃឹមថា ការតាំងចិត្ត បំណងប្រាថ្នា និងការលើកទឹកចិត្តសម្រាប់រឿងតូចៗឱ្យបានល្អ នឹងនាំខ្ញុំទៅកាន់ផ្លូវវែងឆ្ងាយក្នុងអាជីពរបស់ខ្ញុំ”។
គាត់បានបន្ថែមទៀតថា៖ “វាហៅថាការលោភលន់ ប៉ុន្តែខ្ញុំចង់សម្រេចបានកាន់តែច្រើន និងទទួលបានបទពិសោធន៍គ្រប់យ៉ាងពីការប្រកួតទាំងនេះ ជាពិសេសនៅពេលនិយាយអំពីពានរង្វាន់ជាមួយក្លឹបនេះ”៕
