បរទេស៖ នេះបើយោងតាមការចេញផ្សាយរបស់អ្នកសារព័ត៌មានកីឡាលោក Ekrem Konur បានអោយដឹងថាក្លឹប Real Sociedad បានរាយការណ៍អំពីផែនការក្នុងការចុះហត្ថលេខាយកយុវជន Arda Guler របស់ក្លឹប Real Madrid ក្នុងលក្ខខណ្ឌខ្ចីជើងនារដូវក្តៅខាងមុខ។
កីឡាករ Guler បានចូលរួមជាមួយនឹងក្លឹប Real Madrid កាលពីរដូវក្តៅមុន ប៉ុន្តែគាត់មិនអាចក្លាយជាជម្រើសចាប់ផ្តើមជាធម្មតាសម្រាប់លោក Carlo Ancelotti នោះទេ។ គាត់បានខកខានការបង្ហាញខ្លួនអស់ពាក់កណ្តាលរដូវកាល ដោយសារតែបញ្ហារបួស៕
