បរទេស៖ នេះបើយោងតាមការចេញផ្សាយរបស់លោក Florian Plettenberg បានអោយដឹងថាក្លឹប FC Bayern Munich នៅតែចង់ចុះហត្ថលេខាយកកីឡាករ Assan Ouedraogo។ ខ្សែបម្រើវ័យ ១៧ឆ្នាំរបស់ក្លឹប Schalke 04 នៅតែមានសំណើររបស់ក្លឹប Bayern នៅលើទុកដដែរ ដែលមានសុពលភាពដល់ឆ្នាំ២០២៩។
នៅពេលនេះអ្វីជាបញ្ហារបស់កីឡាករក្នុងការសម្រេចចិត្ត គឺក្លឹប Bayern មិនទាន់រកបានគ្រូបង្វឹកថ្មីមកជំនួសកន្លែងរបស់ Thomas Tuchel ដែលនឹងត្រូវចាកចេញនៅរដូវក្តៅនេះ។ ហើយកីឡាករ Assan Ouedraogo នៅមិនទាន់ដឹងថាគ្រូបង្វឹកថ្មីចង់បានគាត់ដែរឫអត់ ប្រសិនជាគាត់ទទួលយកនៅសំណើរផ្ទេរមកកាន់ Bayern។ កត្តានេះបានធ្វើអោយមានការពិបាកសម្រាប់កីឡាករ។
ក្នុងនោះក៏មានក្លឹបមួយចំនួនទៀតកំពុងតែជម្រុញអោយមានការផ្ទេររូបគាត់ ដែលមានដូចជាក្លឹប Leipzig, Frankfurt, Atalanta Bergamo, AS Roma នឹង Newcastle៕
