Barca បដិសេធសំណើរសុំទិញយកកីឡាករ Raphinha

បរទេស៖ នេះបើយោងតាមការចេញផ្សាយរបស់ Diario Sport បានអោយដឹងថាក្លឹប Barcelona បានច្រានចោលនៅសំណើរមានតម្លៃ ៦០លានអឺរ៉ូពីក្លឹបមួយនៅ Premier League សម្រាប់ផ្ទេរយកខ្សែប្រយុទ្ធ Raphinha។

ក្លឹប Barcelona បានបញ្ជាក់ថាក្លឹបនឹងមិនទទួលយកសំណើរណាដែលមានតម្លៃទាបជាង ៨០លានអឺរ៉ូសម្រាប់កីឡាករសញ្ជាតិប្រេស៊ីលអាយុ ២៧ឆ្នាំរូបនេះទេ។ ដោយដឹងអំពីទំហំហិរញ្ញវត្ថុរបស់ក្លឹបកំពូលៗនៅអង់គ្លេស ក្លឹប Barcelona ជឿជាក់ថានឹងមានក្លឹបស័ក្តិសម ជាពិសេសគឺក្លឹបនៅ Premier League ដែលអាចផ្តល់ជូននៅសំណើរដ៏ខ្ពស់មួយតាមសមត្ថិភាពរបស់កីឡាករ Raphinha។ Manchester United និង Chelsea បានក្លាយជាគោលដៅដែលអាចទៅរួចសម្រាប់ខ្សែប្រយុទ្ធដ៏មានទេពកោសល្យ៕