បរទេស៖ នេះបើយោងតាមការចេញផ្សាយរបស់ Tuttosport បានអោយដឹងថាក្លឹប Liverpool កំពុងសម្លឹងមើលការផ្ទេរយកតារាឆ្នើមរបស់ក្លឹប Juventus កីឡាករ Federico Chiesa ខណៈដែលពួកគេបានរាយការណ៍ថាបានកំណត់អត្តសញ្ញាណកីឡាករអ៊ីតាលីជាអ្នកជំនួសកីឡាករ Mohamed Salah ។
កីឡាករ Chiesa បានឈានដល់ឆ្នាំចុងក្រោយនៃកុងត្រារបស់គាត់ ដែលមានន័យថាក្លឹបហង្សក្រហមអាចចុះហត្ថលេខាយកគាត់ក្នុងតម្លៃទាបបាននារដូវក្តៅនេះ។ ផ្ទុយទៅវិញ កីឡាករ Salah កំពុងមានព័ត៌មានចចាមអារ៉ាមក្នុងការផ្ទេរទៅកាន់ក្លឹបនៅ Saudi Pro League៕
