បរទេស៖ កីឡាករ Virgil van Dijk បានបង្ហាញពីគំនិតរបស់គាត់អំពីលទ្ធភាពដែល Arne Slot ទទួលតួនាទីជាគ្រូបង្វឹកក្លឹប Liverpool ។ លោក Slot ដែលទើបទទួលបានពាន Eredivisie ក្នុងឆ្នាំ ២០២៣ និងលើកពាន KNVB Cup កាលពីចុងសប្តាហ៍មុន បានក្លាយជាបេក្ខភាពនាំមុខគេក្នុងការចូលមកដឹកនាំក្លឹប Liverpool នៅរដូវកាលក្រោយ។
.png?auto=webp&format=pjpg&width=3840&quality=60)
កីឡាករ Van Dijk បានប្រាប់ទៅកាន់ Viaplay ថា៖ “ខ្ញុំពិបាកឆ្លើយវាឥឡូវនេះ។ ប៉ុន្តែខ្ញុំគិតថា Arne Slot អាចជាគ្រូបង្វឹកជនជាតិហូឡង់ដ៏ប្រសើរមួយរូបនៅពេលនេះ។ ញុំគិតថារបៀបគាត់លេង និងទស្សនវិជ្ជាដែលគាត់មានថាគាត់នឹងអាចក្លាយជាគ្រូបង្វឹក Liverpool ។ តាមការគិតរបស់ខ្ញុំ វាពិតណាស់ នេះជាអ្វីដែលខ្ញុំធ្លាប់បានអាន និងស្តាប់ ហើយវានៅឆ្ងាយអំពីការសម្រេចចុងក្រោយ។ ឆ្នាំក្រោយយើងនឹងផ្តោតលើរឿងនោះ”៕
