បរទេស៖ នេះបើយោងតាមការចេញផ្សាយរបស់លោក Fabrizio Romano បានអោយដឹងថាកីឡាករ Rodrygo មិនមានផែនការក្នុងការចាកចេញពីក្លឹប Real Madrid ទេ បើទោះបីជាមានព័ត៌មានចចាមអារ៉ាមកាលពីពេលថ្មីៗនេះ។
កីឡាករ Rodrygo នៅតែសប្បាយចិត្តខ្លាំងនៅ Real Madrid ហើយគ្មានការផ្លាស់ប្តូរអ្វីត្រូវរំពឹងទុកឡើយក្នុងរដូវក្ដៅ…។ ក្រុមភ្នាក់ងាររបស់កីឡាករបានបញ្ជាក់ពីផែនការយ៉ាងច្បាស់លាស់ថា Rodrygo នៅតែបន្តនៅក្លឹប Real Madrid ហើយ ក៏ដូចជារីករាយជាមួយនឹងយុទ្ធសាស្ត្ររបស់ក្លឹបផងដែរ។ កីឡាករ Rodrygo បានចុះហត្ថលេខាទៅលើកុងត្រាថ្មីដែលមានសុពលភាពដល់ខែមិថុនា ឆ្នាំ២០២៨ ជាមួយនឹងតម្លៃផ្តាច់កុងត្រា ១០០០លានអឺរ៉ូ៕
