បរទេស៖ នេះបើយោងតាមការចេញផ្សាយរបស់លោក Fabrizio Romano បានអោយដឹងថាកីឡាករ Harry Maguire បាននិយាយយ៉ាងនេះ ក្រោយត្រូវដកឈ្មោះចេញពីក្រុមជម្រើសជាតិដោយសារតែបញ្ហារបួស៖
“ខ្ញុំសោកស្តាយណាស់ដែលមិនត្រូវបានគេជ្រើសរើសឱ្យលេងឱ្យក្រុមជម្រើសជាតិអង់គ្លេសនៅ Euros រដូវក្តៅនេះ។ ទោះបីជាខ្ញុំប្រឹងប្រែងអស់ពីសមត្ថភាពក៏ដោយ ខ្ញុំមិនអាចយកឈ្នះលើរបួសកំភួនជើងរបស់ខ្ញុំបានទេ។ ប្រហែលជាខ្ញុំបង្ខំខ្លួនឯងខ្លាំងពេកដើម្បីព្យាយាមធ្វើវា។ និយាយឲ្យចំទៅគឺខ្ញុំបាក់ទឹកចិត្ត។ សម្រាប់ខ្ញុំ ការតំណាងឱ្យប្រទេសអង់គ្លេសគឺជាកិត្តិយសខ្ពស់បំផុត។ វាមានន័យគ្រប់យ៉ាងសម្រាប់ខ្ញុំ។ ប្រសិនបើខ្ញុំមិនអាចជួយក្រុមក្នុងនាមជាកីឡាករបានទេ ខ្ញុំនឹងគាំទ្រពួកគេក្នុងនាមជាអ្នកគាំទ្រ រួមជាមួយនឹងប្រទេសដទៃទៀត។ បន្ទាប់ខ្ញុំនឹងត្រូវទៅព្យាបាលរបួសដោយក្រុមគ្រូពេទ្យក្លឹបបិសាចក្រហម ដើម្បីរៀបចំការប្រកួតសម្រាប់រដូវកាលក្រោយ”៕
