បរទេស៖ នេះបើយោងតាមកាសែត The Telegraph បានអោយដឹងថាក្លឹប Newcastle United គ្រោងលក់ខ្សែបម្រើស្លាបវ័យរបស់ពួកគេ កីឡាករ Yankuba Minteh បន្ទាប់ពីទទួលបានការចាប់អារម្មណ៍ពីក្លឹបផ្សេងកំឡុងពេលលេងខ្ចីជើងនៅក្លឹប Feyenoord។
លោក Arne Slot អ្នកចាត់ការថ្មីក្លឹប Liverpool ដែលជាអតីតអ្នកចាត់ការក្លឹប Feyenoord បានបង្ហាញចំណាប់អារម្មណ៍ទៅលើកីឡាករ Minteh។ លោក Slot បានដឹងអំពីសមត្ថភាពរបស់កីឡាកររូបនេះ ដែលអាចជាគោលដៅដ៏ល្អរបស់ក្លឹប Liverpool។ មិនមែនមានតែក្លឹបនៅអង់គ្លេសដែលចង់បានគាត់នោះទេ ប៉ុន្តែក៏មានក្លឹបនៅប្រទេសអ៊ីតាលី និងអាឡឺម៉ង់បានបង្ហាញការចាប់អារម្មណ៍យ៉ាងខ្លាំងផងដែរ ខណៈកីឡាករ Minteh មានការរីកចម្រើនយ៉ាងខ្លាំង។ ក្លឹបសារិកាព្រៃ ពិចារណាក្នុងការទាមទារនៅតម្លៃប្រមាណ ៤០លានផោនសម្រាប់កីឡាករ Minteh៕
