បរទេស៖ កីឡាករវ័យ ៣៣ឆ្នាំរូបនេះបានឈានដល់ ១២ខែចុងក្រោយនៃកិច្ចសន្យារបស់គាត់នៅឯកីឡដ្ឋាន Etihad ។ ដោយមិនទាន់មានការយល់ព្រមលើការពន្យាកុងត្រានៅឡើយទេ កីឡាករសញ្ជាតិបែលហ្ស៊ិកបានទាក់ទាញចំណាប់អារម្មណ៍ពីក្រុមនៅក្នុង Saudi Pro League ដែលជាលីគហ៊ានចំណាយប្រាក់យ៉ាងច្រើន។
ក្លឹប Al-Ittihad ដែលមានកីឡាករ Karim Benzema, N’Golo Kante និង Fabinho រួចហើយ បានចាប់អារម្មណ៍ទៅលើកីឡាករ De Bruyne ផងដែរ។ ពួកគេអាចផ្តល់នៅសំណើរដ៏ច្រើនមួយនៅលើតុ ដែលអាចធ្វើអោយម្ចាស់ជើងឯក Premier League ចំនួន ៦ដងនឹងទទួលយកបាន។
នេះបើយោងតាមការចេញផ្សាយរបស់លោក Rudy Galetti បានអោយដឹងថាក្លឹប Al-Ittihad បានដើរចេញពីការចរចាមួយនេះ ដោយសារតែការទាមទារនៅតម្លៃពីក្លឹប Manchester City។ សំណើរមានតម្លៃ ២៥លានផោនត្រូវបានច្រានចោល ខណៈមានការរាយការណ៍ថាក្លឹបមេឃខៀវត្រូវការតម្លៃប្រហែល ៥០លានផោន។
ក្រោយបានផ្ទេរយកកីឡាករ Houssem Aouar រួចរាល់ហើយ ក្លឹប Al-Ittihad ជឿជាក់ថាពួកគេមានជម្រើសខ្សែបម្រើគ្រប់គ្រាប់ដើម្បីធ្វើការប្រកួតប្រជែង។ កីឡាករ De Bruyne អាចនឹងក្លាយជាគោលដៅផ្ទេរម្តងទៀតនៅឆ្នាំ២០២៥ ប្រសិនជាគាត់ខិតជិតទៅរកកីឡាករដែលគ្មានតម្លៃខ្លួន៕
