បរទេស៖ នេះបើយោងតាមការចេញផ្សាយរបស់ Tuttosport បានអោយដឹងថាក្លឹប Juventus កំពុងពិចារណាលើការផ្ទេរខ្សែប្រយុទ្ធរបស់ Napoli កីឡាករ Victor Osimhen ប៉ុន្តែប្រសិនបើក្នុងករណីម្ចាស់ជើងឯក Serie A យល់ព្រមកាត់បន្ថយតម្លៃទាមទារយ៉ាងច្រើនរបស់ពួកគេ។ ក្លឹប Napoli បានទាមទារតម្លៃចន្លោះពី ៩០លានអឺរ៉ូទៅ ១០០លានអឺរ៉ូសម្រាប់កីឡាករសញ្ជាតិនីហ្សេរីយ៉ាអាយុ ២៥ ឆ្នាំ ដែលជាតម្លៃក្លឹប Juventus មិនអាចផ្តល់អោយបាន លុះត្រាតែត្រូវកាត់បន្ថយ។
ក្លឹប Juventus ដែលកំពុងស្វែងរកជម្រើសដើម្បីពង្រឹងខ្សែប្រយុទ្ធរបស់ពួកគេ ប្រហែលជាអាចមានលទ្ធភាពទិញកីឡាករ Osimhen ប្រសិនបើតម្លៃរបស់គាត់បញ្ចុះមកត្រឹម ៧៥លានអឺរ៉ូ ដែលជាតួលេខស្រដៀងទៅនឹងអ្វីដែលក្លឹបអារ៉ាប៊ីសាអូឌីត Al Ahli ផ្តល់ជូននៅក្នុងទីផ្សារដោះដូរកីឡាករថ្មីៗនេះ។ ប្រសិនបើក្លឹប Juventus បរាជ័យក្នុងការផ្ទេរយក Osimhen នោះក្លឹបយក្ស Turin នឹងប្តូរគោលដៅទៅធ្វើការពិចារណាលើខ្សែប្រយុទ្ធ Jonathan David របស់ក្លឹប Lille ជាជម្រើសជំនួស៕
