បរទេស៖ នេះបើយោងតាមការចេញផ្សាយរបស់អ្នកសារព័ត៌មាន Sky Germany លោក Florian Plettenberg បានអោយដឹងថាកីឡាករសញ្ជាតិហូឡង់ Joshua Zirkzee មិនមានចេតនាចាកចេញពី Manchester United នៅដើមឆ្នាំ២០២៥ ទេ បើទោះបីជាមានពាក្យចចាមអារ៉ាមអំពីការចាកចេញពី Old Trafford ក៏ដោយ។
កីឡាករវ័យ ២៣ឆ្នាំបានចូលរួមជាមួយ United ពីក្លឹប Bologna នៅរដូវក្តៅក្នុងតម្លៃ ៣៦លានផោន ប៉ុន្តែចាប់តាំងពីពេលនោះមកគាត់បានស៊ុតបាល់បញ្ចូលទីបានតែមួយគ្រាប់ប៉ុណ្ណោះ និងបានបញ្ជូនបាល់ឱ្យមិត្តរួមក្រុមមួយដងក្នុងចំណោមការបង្ហាញខ្លួន ១២ដង៕
