បរទេស៖ នេះបើយោងតាមការចេញផ្សាយរបស់ The Evening Standard បានអោយដឹងថាក្លឹប Tottenham Hotspur ត្រូវបានរាយការណ៍ថាកំពុងថ្លឹងថ្លែងនូវជម្រើសក្នុងការហៅ Ashley Phillips មកពីការខ្ចីជើងវិញពីក្លឹប Stoke City ខណៈដែលពួកគេជួបវិបត្តិរបួសតំបន់ការពារដែលកើនឡើង។
បច្ចុប្បន្ននេះ Radu Dragusin គឺជាខ្សែការពារកណ្តាលដែលស័ក្តិសមតែម្នាក់គត់ ដោយខ្សែបម្រើ Archie Gray រំពឹងថានឹងលេងចាប់ដៃគូរជាមួយគាត់។ បញ្ហាតំបន់ការពារត្រូវបានកើតឡើងបន្ទាប់ពីកីឡាករ Micky van de Ven និង Cristian Romero បានរងរបួសអំឡុងពេលប្រកួត Premier League ចាញ់ Chelsea កាលពីថ្ងៃអាទិត្យ។ កីឡាករ Ben Davies ក៏ត្រូវអវត្តមានដោយបញ្ហាសរសៃពួរដែរ ដែលធ្វើឱ្យក្រុមមានកីឡាករនៅតំបន់ការពារកាន់តែតិច៕
