បរទេស៖ នេះបើយោងតាមការចេញផ្សាយរបស់ CaughtOffside បានអោយដឹងថាក្លឹប Liverpool បានចូលប្រឡូកក្នុងការប្រកួតប្រជែងដើម្បីចុះហត្ថលេខាលើខ្សែបម្រើស្លាបរបស់ PSV កីឡាករ Johan Bakayoko ដែលជាគោលដៅកំពូលរបស់ក្លឹប Newcastle United។
កីឡាករ Bakayoko រីករាយនឹងរដូវកាល ២០២៣/២៤ ដ៏អស្ចារ្យ ដោយស៊ុតបញ្ចូលទីបាន ១២គ្រាប់ និងបញ្ជូនបាល់អោយមិត្តរួមក្រុមបញ្ចប់ទីបាន៩ដង ក្នុងការចាប់ផ្តើម ២៩ដងនៅ Eredivisie ហើយសម្រាប់រដូវកាលថ្មីនេះក៏គាត់បានចាប់ផ្តើមបង្ហាញទម្រង់ដ៏សំបូរបែបផងដែរ។ នេះបានជំរុញឱ្យមានចំណាប់អារម្មណ៍ពីក្លឹបមួយចំនួននៅទូទាំងទ្វីបអឺរ៉ុប រួមទាំងក្រុមអង់គ្លេសដែលបានបញ្ជាក់ពីខាងលើ ក៏ដូចជា Bayern Munich, Nottingham Forest, Paris Saint-Germain, RB Leipzig និង Borussia Dortmund ។
ក្លឹប Newcastle ត្រូវបានចាប់ទុកថាជាក្លឹបមួយកំពុងនាំមុខក្នុងការចុះហត្ថលេខាយកកីឡាករសញ្ជាតិបែលហ្ស៊ិក បើទោះបីជាប្រភព GMS បានបង្ហាញកាលពីដើមសប្តាហ៍នេះថាក្លឹបសារិកាព្រៃបារម្ភថាពួកគេនឹងមិនអាចចុះហត្ថលេខាយកកីឡាកររូបនេះនៅក្នុងខែមករាបាន ដោយសារតែការរឹតបន្តឹងថវិការបស់ពួកគេ។ តាមរយៈ CaughtOffside បានអោយដឹងថាក្លឹប Liverpool អាចនឹងធ្វើការឆ្មក់យកឪកាសក្នុងការផ្ទេរយកកីឡាករ Bakayoko មកកាន់ Premier League។
ក្រោយចំណាយពេលវេលានៅក្នុងសាលាបាល់ទាត់របស់ក្លឹបមួយនៅបែលហ្ស៊ិក ហើយកីឡាករ Bakayoko បានចូលរួមជាមួយ PSV ក្នុងឆ្នាំ២០១៩។ បន្ទាប់ពីស៊ុតបញ្ចូលទីបាន ១៧គ្រាប់នៅក្នុងក្រុមទី២របស់ក្លឹបហូឡង់សម្រាប់រដូវកាល ២០២១/២២ ខ្សែប្រយុទ្ធរូបនេះត្រូវបានតំឡើងអោយមកលេងសម្រាប់ក្រុមឈុតធំសម្រាប់រដូវកាលបន្ទាប់។
ដោយបានអភិវឌ្ឍន៍ខ្លួននៅក្នុងឈុតធំ នៅក្នុងរយៈពេល ២ឆ្នាំចុងក្រោយនេះ ហើយត្រូវបានគេចាប់ទុកគាត់ជាកីឡាករឆ្នើមម្នាក់។ Bakayoko បានធ្វើអោយលើសការរំពឹងទុកកាលពីរដូវកាលមុន នឹងទទួលបានការចាប់អារម្មណ៍ពីក្លឹបជាច្រើននៅទូទាំងទ្វីអឺរ៉ុប។ ទោះជាយ៉ាងណាក៏ដោយក្លឹបទាំង២ នៅតែបន្តតាមដានកីឡាករវ័យ ២១ឆ្នាំរូបនេះដដែរ។
ក្លឹប Newcastle មានបំណង់ចង់ទិញយកខ្សែបម្រើស្លាស្តាំម្នាក់ ហើយក្នុងនោះកីឡាករ Bakayoko បានក្លាយជាគោលដៅរបស់ពួកគេ។ ទោះបីជាយ៉ាងណាក៏ដោយ ដោយសារតែការព្រួយបារម្ភផ្នែកហិរញ្ញវត្ថុ ការផ្លាស់ប្តូរខែមករាសម្រាប់កីឡាករសញ្ជាតិបែលហ្ស៊ិកប្រហែលជាមិនអាចទៅរួចនោះទេ។
នេះបើយោងតាមការចេញផ្សាយរបស់ CaughtOffside ថា Liverpool កំពុងតែស្វែងរកការឆ្មក់ផ្ទេរមួយនេះពីក្លឹប Newcastle ដោយប្រើប្រាក់ទំនាក់ទំនងរបស់អ្នកចាត់ការ Arne Slot ដើម្បីធានាការផ្ទេរមួយនេះអោយបាន។ ក្លឹប PSV ត្រូវបានដឹងថាកំពុងទាមទារតម្លៃយ៉ាងហោចណាស់ ៦០លានអឺរ៉ូសម្រាប់យុវជនរបស់ពួកគេ ដែលជាតួលេខដែលមិនគួរស្ថិតនៅក្រៅលទ្ធភាពរបស់ក្លឹបហង្សក្រហមនោះទេ។
លោក Slot ចាត់ទុក Bakayoko ថាជាអ្នកស្នងតំណែងរយៈពេលវែងដ៏មានសក្តានុពលរបស់ Mohamed Salah ដែលបច្ចុប្បន្នកំពុងជាប់គាំងក្នុងការពិភាក្សាកិច្ចសន្យាជាមួយក្លឹប៕
