បរទេស៖ នេះបើយោងតាមការចេញផ្សាយរបស់ NotizieMilan បានអោយដឹងថាក្លឹប Aston Villa ត្រូវបានរាយការណ៍ថាកំពុងរៀបចំសំណើរយ៉ាងធំមួយសម្រាប់ខ្សែបម្រើស្លាបរបស់ក្លឹប AC Milan គឺកីឡាករ Samuel Chukwueze។
បើទោះបីជា Chukwueze ចាប់ផ្តើមអាជីពនៅ Serie A យ៉ាងលំបាកក៏ដោយ ក៏អ្នកចាត់ការទូទៅរបស់ Villa លោក Unai Emery នៅតែចង់ជួបជុំជាមួយកីឡាករសញ្ជាតិនីហ្សេរីយ៉ាអាយុ ២៤ឆ្នាំម្តងទៀត។ លោក Emery ធ្លាប់បានបង្វឹក Chukwueze អំឡុងពេលពួកគេនៅក្លឹប Villarreal ជាកន្លែងដែលខ្សែបម្រើស្លាបបានបង្ហាញសក្តានុពលរបស់គាត់។ របាយការណ៍បង្ហាញថា AC Milan បើកទូលាយក្នុងការផ្ទេរ Chukwueze ប៉ុន្តែពេលវេលាសម្រាប់ការផ្ទេរសក្តានុពលនៅតែមិនច្បាស់លាស់៕
