បរទេស៖ ម្ចាស់ជើងឯកទ្វីបអឺរ៉ុប Real Madrid ចង់ចុះហត្ថលេខាលើកីឡាករ Trent Alexander-Arnold នៅក្នុងទីផ្សារដោះដូរកីឡាករនាពេលខាងមុខ។
នេះបើយោងតាមការចេញផ្សាយរបស់សារព័ត៌មានអេស្ប៉ាញបានអោយដឹងថាក្លឹបអធិរាជសកាន់តែមានទំនុកចិត្តកាន់តែខ្លាំងថាពួកគេអាចសម្រេចបានលើកិច្ចព្រមព្រៀងសម្រាប់កីឡាករ Alexander-Arnold ក្នុងខែមករា។ កីឡាករសញ្ជាតិអង់គ្លេសនឹងមិនផ្ទេរទៅកាន់អេស្ប៉ាញក្នុងរដូវរងានោះទេ ប៉ុន្តែអាចនឹងធ្វើការចុះហត្ថលេខាលើកិច្ចព្រមព្រៀងជាមុនជាមួយម្ចាស់ជើងឯកអឺរ៉ុប ដើម្បីចូលរួមជាមួយពួកគេនៅដើមរដូវក្តៅក្រោយក្នុងនាមជាកីឡាករគ្មានតម្លៃខ្លួន នៅពេលដែលកិច្ចសន្យារបស់គាត់នៅ Liverpool ផុតកំណត់៕
