បរទេស៖ កីឡាករ Chiesa បានចុះហត្ថលេខាជាមួយ Liverpool នៅរដូវក្តៅឆ្នាំ២០២៤ ពី Juventus ក្នុងការផ្ទេរសម្រាប់តម្លៃទាប បន្ទាប់ពីគាត់ត្រូវបានដកចេញពីក្រុម Juventus ក្រោមការដឹកនាំរបស់លោក Thiago Motta ។ អ្វីដែលត្រូវបានគេសន្មត់ថាជាការផ្ទេរក្នុងក្តីស្រមៃសម្រាប់ទាំងកីឡាករសញ្ជាតិអ៊ីតាលីនិងហង្សក្រហមនោះ មិនបានសម្រេចដូចការរំពឹងទុកនោះទេ។ កីឡាករ Chiesa បានតស៊ូជាមួយនឹងបញ្ហាកាយសម្បទា ហើយបានបង្ហាញខ្លួននៅក្នុងក្រុមរបស់លោក Arne Slot ត្រឹមតែ 4 ដងប៉ុណ្ណោះ ហើយបានលេងត្រឹមតែ ១២៣នាទីប៉ុណ្ណោះនៅលើទីលានជាមួយនឹងគ្រូបង្វឹកសញ្ជាតិហូឡង់ ‘មិនចាប់អារម្មណ៍’ ទៅលើខ្សែប្រយុទ្ធរូបនេះ។
កីឡាករ Chiesa មិនអាចតាំងទីលំនៅរបស់ខ្លួននៅក្នុងប្រទេសអង់គ្លេសបានទេ ហើយបុរសសញ្ជាតិអ៊ិតាលីអាចរំពឹងថានឹងត្រូវត្រលប់ទៅកាន់ប្រទេសកំណើតវិញក្នុងខែមករា ខណៈមានការចាប់អារម្មណពីក្លឹប Napoli។ ការចេញផ្សាយរបស់ FirenzeViola បានអោយដឹងថាអតិតក្រុម Fiorentina របស់កីឡាករ Chiesa កំពុងពិចារណាក្នុងការចុះហត្ថលេខាលើតារា Euro ២០២០ ក្នុងលក្ខខណ្ឌខ្ចីជើងក្នុងខែមករា។ ប្រភពដដែលបានអោយដឹងថាពាក្យចចាមអារ៉ាមជុំវិញការផ្លាស់ប្តូររបស់ Fiorentina សម្រាប់កីឡាករ Chiesa មិនមែនជា “ការស្រមើស្រមៃ” នោះទេ ប៉ុន្តែជាលទ្ធភាពពិតប្រាកដនៅក្នុងទីផ្សារដោះដូរកីឡាកររដូវរងារ។
យោងតាមការចេញផ្សាយបានអោយដឹងថាក្លឹប Fiorentina នឹងមិនប្រឈមខ្លាំងពីការបដិសេធរបស់ក្លឹប Liverpool នោះទេ ក្នុងករណីដែលពួកគេព្យាយាមចុះហត្ថលេខាលើ Chiesa ក្នុងលក្ខខ័ណ្ឌខ្ចីជើង។ ទោះជាយ៉ាងណាក៏ដោយ បញ្ហានឹងកើតឡើងទាក់ទងនឹងប្រាក់ឈ្នួលដ៏ច្រើនរបស់ Chiesa នៅ Anfield ដែលនឹងមិនអាចផ្តល់អោយបានពីក្លឹប Fiorentina លុះត្រាតែកីឡាករមានឆន្ទៈក្នុងការកាត់បន្ថយប្រាក់ឈ្នួលរបស់ខ្លួន។
.jpg?auto=webp&format=pjpg&width=3840&quality=60)
អតីតតារាឆ្នើមរបស់ក្លឹប Fiorentina រូបនេះទំនងជានឹងចូលរួមជាមួយក្លឹបចាស់របស់ខ្លួនវិញ ប្រសិនបើក្រុម Serie A អាចស្វែងរកនៅដំណោះស្រាយមួយចំនួនជាមួយ Liverpool ជុំវិញការបែងចែកប្រាក់ឈ្នួល។ Chiesa ទំនងជាមិនអាចលេងឲ្យក្រុមរបស់ Slot ក្នុងការប៉ះក្រុម Manchester United នៅថ្ងៃទី៥ ខែមករាទេ៕
