បរទេស៖ កីឡាករ Joao Felix របស់ក្លឹប Chelsea ដែលកំពុងខ្ចីជើងទៅកាន់ក្លឹប AC Milan កាលពីទីផ្សារដោះដូរកីឡាករខែមករាក្នុងកិច្ចព្រមព្រៀងរយៈពេលខ្លីបានអះអាងថាគាត់នឹងរីករាយក្នុងការផ្ទេរជាអចិន្ត្រៃយ៍នាពេលអនាគត។
ថ្លែងទៅកាន់អ្នកសារព័ត៌មាន ខ្សែប្រយុទ្ធសញ្ជាតិព័រទុយហ្គាល់បាននិយាយថា “ខ្ញុំបានចូលរួមជាមួយ AC Milan ក្នុងលក្ខខណ្ឌខ្ចីជើង ប៉ុន្តែប្រសិនបើមានឱកាសបន្តនៅលើសពីរដូវកាលនេះ… ខ្ញុំនឹងសប្បាយចិត្ត។ នេះគឺជាក្លឹបកំពូលនៅអឺរ៉ុប ខ្ញុំស្រលាញ់អ្វីៗទាំងអស់នៅទីនេះ។ Kaká គឺជា Idol របស់ខ្ញុំ។ Inter ក៏ចាប់អារម្មណ៍ដែរ ប៉ុន្តែសម្រាប់ខ្ញុំគឺមិនអាចទៅរួចទេ… ដូចដែលខ្ញុំចង់បាន Milan”៕
