បរទេស៖ ប្រធានក្លឹប Bayern Munich លោក Max Eberl បានធ្វើការព្រមានទៅកាន់កីឡាករ Joshua Kimmich ចំពេលមានទំនាក់ទំនងផ្ទេររបស់គាត់ទៅកាន់ក្លឹបយក្សនៅ Premier League គឺ Arsenal ។
កីឡាករ Kimmich ដែលស្ថិតក្នុងរយៈពេលប៉ុន្មានខែចុងក្រោយនៃកុងត្រារបស់គាត់ជាមួយក្លឹប Bayern Munich ហើយគាត់មិនទាន់បានចុះហត្ថលេខាលើកិច្ចព្រមព្រៀងថ្មីនៅឡើយទេ បើទោះបីជាក្លឹបស្នើសុំបន្តកិច្ចសន្យាថ្មីដែលធ្វើអោយគាត់បន្តស្នាក់នៅទឹកដីអាឡឺម៉ង់ដល់ឆ្នាំ២០២៨។ នេះបើយោងតាមការចេញផ្សាយរបស់ Sky Germany បានអោយដឹងថាខ្សែបម្រើរូបនេះនឹងទទួលបានប្រាក់ឈ្នួលចន្លោះពី ២០-២២លានអឺរ៉ូក្នុងមួយឆ្នាំ ប៉ុន្តែគាត់មិនទាន់ទទួលយកនៅសំណើរនោះទេ៕
