បរទេស៖ នេះបើយោងតាមការចេញផ្សាយរបស់ Sky Sports បានអោយដឹងថាក្លឹប West Ham United និង Everton កំពុងតាមដានយ៉ាងដិតដល់នូវការរីកចម្រើនរបស់ខ្សែបម្រើ Chris Rigg របស់ Sunderland។ កីឡាករវ័យ ១៧ឆ្នាំរូបនេះបានពង្រឹងកេរ្តិ៍ឈ្មោះរបស់ខ្លួនបន្ថែមទៀតដោយការស៊ុតបញ្ចូលទីបានមួយគ្រាប់ ដែលជាបាល់កាត់សេចក្តីសម្រាប់ U19s របស់អង់គ្លេស ក្នុងជ័យជម្នះលើព័រទុយហ្គាល់នាពេលថ្មីៗនេះ។
ដោយបានក្លាយជាតួអង្គសំខាន់នៅក្នុងក្រុមរបស់ Sunderland ក្នុងរដូវកាលនេះ គាត់បានស៊ុតបញ្ចូលទី ៤គ្រាប់ និងបញ្ជូនបាល់អោយមិត្តរួមក្រុមបញ្ចប់ទី ១ដង ក្នុងការបង្ហាញខ្លួន ៣៤ប្រកួតនៅក្របខ័ណ្ឌ Championship ។ ការអភិវឌ្ឍន៍ និងទម្រង់លេងរបស់គាត់បានទទួលបានការកត់សម្គាល់ពីសំណាក់ក្លឹបកំពូលៗមួយចំនួន៕
