បរទេស៖ នេះបើយោងតាមការចេញផ្សាយរបស់ Bild បានអោយដឹងថាវីរបុរសក្លឹប Bayern Munich និងជម្រើសជាតិអាល្លឺម៉ង់កីឡាករ Thomas Muller គ្រោងនឹងចាកចេញពីក្រុមយក្សអាឡឺម៉ង់នៅចុងបញ្ចប់នៃរដូវកាល ២០២៤-២៥ បន្ទាប់ពីកិច្ចពិភាក្សាទៅលើកិច្ចសន្យាថ្មីជាមួយក្លឹបមានភាពរអាក់រអួល។
កីឡាករ Muller ដែលបានចំណាយពេលពេញមួយអាជីពរបស់គាត់នៅ Bayern ហើយកំពុងស្ថិតនៅក្នុងរយៈពេលប៉ុន្មានខែចុងក្រោយនៃកុងត្រារបស់គាត់។ ក្លឹបយក្ស Bundesliga ត្រូវបានរាយការណ៍ថាបានទាក់ទងកីឡាករជើងចាស់ជាមួយនឹងការផ្តល់ការបន្ថែមកិច្ចសន្យាចំនួនពីរ ប៉ុន្តែកីឡាករវ័យ ៣៥ឆ្នាំរូបនេះត្រូវបានបញ្ជាក់ថាមិនយល់ព្រមនោះទេ៕
