បរទេស៖ ក្លឹប Barcelona នឹងប្រមូលប្រាក់ដ៏សំខាន់មួយបន្ទាប់ពីក្លឹប West Ham នៅ Premier League បានធានាថាពួកគេនឹងត្រូវទិញ Jean-Clair Todibo ក្នុងកិច្ចសន្យាជាអចិន្ត្រៃយ៍។
ឥឡូវនេះក្លឹបនៅទីក្រុងឡុងដ៍ត្រូវតែបំពេញកាតព្វកិច្ចរបស់ពួកគេក្នុងការទិញ Todibo ពី Nice ហើយបើយោងតាមការចេញផ្សាយរបស់ Mundo Deportivo បានអោយដឹងថាក្លឹប Barcelona នឹងទទួលបាន ២០ភាគរយនៃតម្លៃនោះ ដោយផ្តល់បន្ថែមចំនួន ៨.៥លានអឺរ៉ូសម្រាប់ក្រុមរបស់ Hansi Flick ។ ក្រុមយក្សកាតាឡាន់បានទទួលបានប្រាក់ច្រើនហើយពីការលក់កីឡាករវ័យ ២៥ឆ្នាំរូបនេះ ដែលគាត់បានមកចូលរួមជាមួយក្រុមកាលពីឆ្នាំ២០១៩។ ខ្សែការពារកណ្តាលរូបនេះបានបរាជ័យក្នុងការស្នាក់នៅជាមួយ Barca ហើយត្រូវបានខ្ចីទៅឱ្យ Schalke និង Benfica មុនពេលគាត់ត្រូវបានលក់ទៅកាន់ក្លឹប Nice ក្នុងតម្លៃ ១៨លានផោន៕
