បរទេស៖ នេះបើយោងតាមការចេញផ្សាយរបស់ TEAMtalk បានអោយដឹងថាក្លឹប Newcastle United បាននាំមុខក្រុមតោខៀវ Chelsea ក្នុងការខិតខំប្រឹងប្រែងរបស់ពួកគេសម្រាប់ការនាំយកខ្សែការពារកណ្តាលរបស់ Crystal Palace កីឡាករ Marc Guéhi។ ក្លឹប Newcastle ដែលធ្លាប់ដាក់សំណើរ ៦៥លានផោនកាលពីមុន ហើយត្រូវបានច្រានចោលនោះ ពេលនេះមានសុទិដ្ឋិនិយមចំពោះការពិភាក្សាឡើងវិញនៅក្រោមលក្ខខណ្ឌអំណោយផលបន្ថែមទៀត។
កិច្ចព្រមព្រៀងបច្ចុប្បន្នរបស់ Guéhi ជាមួយ Palace នឹងត្រូវផុតកំណត់នៅចុងបញ្ចប់នៃរដូវកាលក្រោយ ហើយខ្សែការពារមិនទាន់មានសញ្ញាណាមួយអំពីចេតនានៃការបន្តលក្ខខណ្ឌនៅឡើយទេ។ ការអភិវឌ្ឍន៍នេះអាចជួយសម្រួលដល់ការចរចារសម្រាប់ក្លឹបដែលចាប់អារម្មណ៍ ដោយ Newcastle ចាត់ទុកការបន្ថយរយៈពេលកិច្ចសន្យាជាអត្ថប្រយោជន៍សំខាន់៕
