បរទេស៖ នេះបើយោងតាមការចេញផ្សាយរបស់ ESPN បានអោយដឹងថាកីឡាករ Alejandro Garnacho ប្រហែលជាជិតដល់ទីបញ្ចប់សម្រាប់អាជីពនៅក្លឹប Manchester United ហើយ។ អនាគតរបស់ខ្សែបម្រើស្លាបរូបនេះបានក្លាយជាចម្ងល់បន្ទាប់ពីការអវត្តមានកាលពីពេលថ្មីៗនេះពីការចាប់ផ្តើម១១នាក់ដំបូងក្នុងការប្រកួត Europa League វគ្គផ្តាច់ព្រ័ត្រ ខណៈគាត់ជាកីឡាករបម្រុង។
ភ្នាក់ងាររបស់កីឡាករសញ្ជាតិអាហ្សង់ទីនត្រូវបានគេរំពឹងថានឹងធ្វើការពិភាក្សាជាមួយអ្នកគ្រប់គ្រងរបស់ United នៅប៉ុន្មានថ្ងៃខាងមុខនេះ។ របៀបវារៈត្រូវបានបញ្ជាក់ថាផ្តោតទៅលើការចាកចេញដែលអាចកើតមានក្នុងអំឡុងពេលទីផ្សារដោះដូរកីឡាករនាពេលខាងមុខ ដោយសារការខកចិត្តចំពោះតួនាទីបច្ចុប្បន្នរបស់គាត់នៅតែបន្តកើនឡើង។ ការមិនពេញចិត្តរបស់គាត់បានឈានដល់កម្រិតកំពូលបន្ទាប់ពីត្រូវបានផ្តល់ឱ្យត្រឹមតែ ២០នាទីក្នុងការបរាជ័យ ១-០ ថ្មីៗនេះលើក្រុម Tottenham ក្នុងទីក្រុង Bilbao ៕
