បរទេស៖ ក្លឹប Liverpool កំពុងជួបការលំបាកក្នុងការយល់ព្រមលើតម្លៃខ្លួនជាមួយ Bournemouth សម្រាប់ការចុះហត្ថលេខាលើខ្សែការពារ Milos Kerkez។
នេះបើយោងតាមការចេញផ្សាយរបស់ i News បានអោយដឹងថាក្លឹប Liverpool ត្រូវបានជាប់គាំងក្នុងការពិភាក្សាជាមួយក្លឹប Bournemouth ជុំវិញការចុះហត្ថលេខាលើ Kerkez ប៉ុន្តែនៅមិនទាន់យល់ព្រមលើតម្លៃខ្លួនសម្រាប់ខ្សែការពារឆ្វេងនៅឡើយទេ។ កីឡាករវ័យ ២១ឆ្នាំរូបនេះមានតម្លៃ ៤៥លានផោន ហើយក្លឹប Bournemouth បានបដិសេធចំពោះសំណើរមានតម្លៃស្មើរនោះ។ ក្លឹប Liverpool បាននឹងកំពុងធ្វើការលើកិច្ចព្រមព្រៀងដើម្បីចុះហត្ថលេខាលើតារារូបនេះតាំងពីខែមករាមក ប៉ុន្តែនៅតែមានឧបសគ្គជាច្រើនដែលត្រូវយកឈ្នះ៕
