បរទេស៖ នេះបើយោងតាមការចេញផ្សាយរបស់ Sky Germany បានអោយដឹងថាកីឡាករសញ្ជាតិអាឡឺម៉ង់បានច្រានចោលការផ្តល់ជូននៅកុងត្រាថ្មីពីក្លឹបយក្ស Bundesliga ដោយជ្រើសរើសយកការដើរចេញដោយគ្មានតម្លៃខ្លយននៅពេលដែលកិច្ចសន្យាបច្ចុប្បន្នរបស់គាត់ផុតកំណត់នៅចុងខែនេះ។ គ្លឹប Bayern ត្រូវបានបញ្ជាក់បានជូនដំណឹងជាផ្លូវការអំពីកីឡាករ Sane ក្នុងការចាកចេញ។
កីឡាករ Sane ត្រូវបានផ្សារភ្ជាប់យ៉ាងខ្លាំងជាមួយនឹងក្រុម Arsenal ប៉ុន្តែទិសដៅបន្ទាប់របស់គាត់មើលទៅទំនងជាប្រទេសទួរគី ខណៈតាមការចេញផ្សាយរបស់ Sky Germany បានអោយដឹងថាគាត់បានយល់ព្រមដោយផ្ទាល់មាត់ដើម្បីចូលរួមជាមួយក្លឹប Galatasaray ។ ម្ចាស់ជើងឯក Super Lig បានផ្តល់ប្រាក់បៀវត្សរ៍សុទ្ធចន្លោះពី ១០ ទៅ ១២លានអឺរ៉ូសម្រាប់កីឡាករ Sane ក្នុងមួយឆ្នាំ ខណៈការព្រមព្រៀងចុងក្រោយត្រូវបានដាក់បញ្ចូលក្នុងកុងត្រា មុននឹងធ្វើការប្រកាសជាផ្លូវការណ៍។
ការខកខានការផ្ទេរយក Sane នឹងក្លាយជាបញ្ហាមួយសម្រាប់ក្រុម Arsenal ដែលបាននិងកំពុងតាមដានកីឡាករ Nico Williams របស់ក្លឹប Athletic ប៉ុន្តែការទាមទារប្រាក់ឈ្នួលដែលត្រូវបានរាយការណ៍របស់កីឡាករសញ្ជាតិអេស្ប៉ាញរូបនេះបានធ្វើឱ្យមានការជាប់គាំងក្នុងការចរចា។ កីឡាករ Sane គឺជាដំណោះស្រាយមួយដែលមានតម្លៃសមស្រប និងបទពិសោធន៍នៅកំពូល ហើយវានឹងក្លាយជារឿងដ៏អាក្រក់មួយសម្រាប់លោគ Arteta ខណៈកីឡាករខាងលើធ្វើដំណើរទៅកាន់ប្រទេសទួរគីជំនួសឱ្យ Emirates ។
កីឡាករ Sane មិនត្រូវបានរំពឹងទុកថានឹងចូលរួមជាមួយ Harry Kane និងក្រុមនោះទេ នៅពេលដែល Bayern ប្រកួតនៅ Club World Cup នៅសហរដ្ឋអាមេរិកដែលនឹងចាប់ផ្តើមនៅសប្តាហ៍នេះ។ ឆ្លងកាត់ការបង្ហាញខ្លួនចំនួន ២២០ប្រកួត សម្រាប់ក្រុម Bayern ក្នុងការប្រកួតទាំងអស់ Sane បានស៊ុតបញ្ចូលទី ១១៦គ្រាប់ ហើយក្នុងនោះ ១៦គ្រាប់គឺជាការស៊ុតបញ្ចូលទៅកាលពីរដូវកាលមុននេះ៕
