បរទេស៖ នេះបើយោងតាមការចេញផ្សាយរបស់ Ben Jacobs បានអោយដឹងថាក្លឹប ហង្សក្រហមបានឈានដល់កិច្ចព្រមព្រៀងជាមួយ Leverkusen ដោយយល់ព្រមលើតម្លៃផ្ទេរមូលដ្ឋាន ១០០លានផោនជាមួយនឹងប្រាក់បន្ថែម ១៦លានផោនទៅក្នុងប្រាក់រង្វាន់។ ការបង់ប្រាក់បន្ថែមនេះត្រូវបានគេជឿថានឹងធ្វើឱ្យក្លឹបទទួលបានភាពស្មោះត្រង់ពីកីឡាករ Wirtz អំឡុងពេលគាត់នៅ Anfield ជាមួយនឹងលក្ខខណ្ឌដែលកីឡាករវ័យ ២២ឆ្នាំរូបនេះអាចលេងជាប្រចាំនៅក្រុម។
កិច្ចព្រមព្រៀងដ៏ពិសេសនេះ មើលឃើញថាក្លឹប Liverpool បានយកឈ្នះចំពោះការដែលក្លឹប Cheslea បានផ្ទេរយកកីឡាករ Moises Caicedo ក្នុងតម្លៃ ១១៥លានផោន ដែលធ្លាប់ត្រូវបានគេចាប់ទុកថាជាការផ្ទេរមានតម្លៃខ្ពស់បំផុតនៅអង់គ្លេស។ កីឡាករ Wirtz នឹងក្លាយជាកីឡាករបាល់ទាត់ទី១០ ក្នុងប្រវត្តិសាស្ត្រដែលត្រូវបានផ្ទេរក្នុងតម្លៃខ្លួន ១០០លានផោន ដោយដាក់គាត់ក្នុងចំណោមក្រុមកីឡាករឆ្នើមដូចជា Neymar, Kylian Mbappe និង Jude Bellingham ។
ភាពស្ងប់ស្ងាត់ ការច្នៃប្រឌិត និងភាពវៃឆ្លាតរបស់ Wirtz បានឃើញគាត់ទាក់ទាញចំណាប់អារម្មណ៍ពីក្លឹបល្បីៗនៅទូទាំងទ្វីបអឺរ៉ុប ដែលរួមមាន Real Madrid, Paris Saint-Germain និង Manchester City ។ ទោះបីជាមានការប្រកួតប្រជែងនេះក៏ដោយ គម្រោង និងកីឡាកររបស់ក្លឹប Liverpool បានបង្ហាញឱ្យឃើញនូវការសម្រេចចិត្ត។ សូម្បីតែក្លឹបយក្ស Bundesliga ក្លឹប Bayern Munich ក៏មិនអាចប្រកួតប្រជែងជាមួយនឹងកញ្ចប់ដ៏ធំរបស់ក្លឹប LiverpooL ដែលបានដាក់លើតុកីឡាករសញ្ជាតិអាឡឺម៉ង់រូបនេះ។
លក្ខខណ្ឌផ្ទាល់ខ្លួនត្រូវបានយល់ព្រមរួចហើយរវាង Liverpool និង Wirtz ជាងពីរសប្តាហ៍មុន។ ការចុះហត្ថលេខាជាផ្លូវការត្រូវបានគេរំពឹងថានឹងធ្វើឡើងនៅពេលដែលខ្សែបម្រើរូបនេះត្រលប់មកពីវិស្សមកាលរដូវក្តៅរបស់គេ៕
