បរទេស៖ អំឡុងពេលវិស្សមកាល កីឡាករសញ្ជាតិកាមេរូន Andre Onana ត្រូវបានបញ្ឈប់ដោយអ្នកយកព័ត៌មាន Stephane Bassalia Ouattara ដើម្បីធ្វើការសម្ភាស៍។ លោក Ouattara បានបង្ហោះនៅក្នុងបណ្តាញសង្គម X ដោយបានសួរ Onana ថាតើគាត់នឹងចាកចេញពី Manchester United ដែរឬទេ ដែលគាត់បានញញឹមយ៉ាងក្រៀមក្រំ និងមិនដឹងថាត្រូវឆ្លើយបែបណា។ ប៉ុន្តែគាត់មិនបានច្រានចោលលទ្ធភាពនៃការចាកចេញពី Old Trafford នៅរដូវក្តៅនេះទេ។
🚨🎥 | André Onana on his future at Manchester United:
“Will I leave? I don’t know, we’ll see!”
[@AllezLesLions via @mufcmpb2_]
— (fan) Frank 🧠🇵🇹 (@AmorimEra_) June 14, 2025
Onana បាននិយាយថា៖ ”តើខ្ញុំនឹងចាកចេញទេ? ខ្ញុំមិនដឹងទេយើងនឹងឃើញ!”។
អ្នកចាំទីបានបានញញឹម និងសើច ពេលគាត់ឆ្លើយសំណួរដែលគាត់ទំនងជាត្រូវបានសួរជាច្រើនដងក្នុងប៉ុន្មានខែថ្មីៗនេះ ទោះបីជាជាក់ស្តែងគាត់មិនទាន់ដឹងចម្លើយ ខណៈដែលអនាគតរបស់គាត់នៅ Old Trafford នៅតែមិនទាន់សម្រេចចិត្ត។
កីឡាករ Onana បានរងការរិះគន់ក្នុងអំឡុងពេល ២រដូវកាលរបស់គាត់នៅ United ហើយប្រហែលជាមានការសម្រេចចិត្តត្រូវបានធ្វើឡើងថាតើគាត់បន្តប្រយុទ្ធដើម្បីអាវលេខមួយរបស់គាត់ ឬជ្រើសរើសការចាកចេញ។ បិសាចក្រហមត្រូវបានផ្សារភ្ជាប់ជាមួយអ្នកចាំទីផ្សេងទៀតដូចជា Lucas Chevalier របស់ Lille មានន័យថាវាអាចទៅរួចដែល Ruben Amorim មើលមិនឃើញថា Onana វ័យ ២៩ឆ្នាំជាដំណោះស្រាយរយៈពេលវែងបន្ទាប់ពីពេលវេលាមិនស៊ីសង្វាក់គ្នាក្នុងទីក្រុង Manchester ៕
