បរទេស៖ ក្តីសង្ឃឹមរបស់ Newcastle United ក្នុងការនាំយកតារាអ៊ីតាលី Giorgio Scalvini បានទទួលការចាប់អារម្មណ៍យ៉ាងខ្លាំង ដោយក្លឹប Atalanta បានប្រកាសយ៉ាងម៉ឺងម៉ាត់ចំពោះកីឡាករវ័យ ២១ឆ្នាំរូបនេះថា “មិនអាចលក់បាន” នៅរដូវក្តៅនេះ។ ទោះបីជាមានរបាយការណ៍ពីការទាក់ទងពីភាគី Premier League ក៏ដោយ ក៏មិនមានការចរចារណាមួយកើតឡើងដែរ ខណៈដែលក្លឹប Serie A បិទទ្វារនៅលើច្រកចេញដ៏មានសក្តានុពលសម្រាប់ខ្សែការពារកណ្តាលរបស់ពួកគេ។
ក្លឹប Newcastle ត្រូវបានរាយការណ៍ថាបានបង្ហាញពីចំណាប់អារម្មណ៍យ៉ាងខ្លាំងក្នុងការចុះហត្ថលេខាលើកីឡាករ Scalvini ។ ទោះជាយ៉ាងណាក៏ដោយ Atalanta បានបញ្ជាក់យ៉ាងច្បាស់ថា ពួកគេមិនទទួលបានការផ្តល់ជូនណាមួយសម្រាប់ខ្សែការពារដែលមានតម្លៃខ្ពស់នោះទេ។ ហើយបើយោងតាមការចេញផ្សាយរបស់ Gazzetta dello Sport បានអោយដឹងថា “មិនមានការចរចា” ទេ ពីព្រោះក្លឹប Atalanta ចាត់ទុកថាគាត់មិនអាចប៉ះបាន៕
