បរទេស៖ ការផ្លាស់ប្តូរដ៏គួរឱ្យភ្ញាក់ផ្អើលរបស់ Victor Osimhen ទៅកាន់ Galatasaray បានជួបឧបសគ្គមួយ ដោយ Napoli ទាមទារការធានាផ្នែកហិរញ្ញវត្ថុ បើទោះបីជាយល់ព្រមលើតម្លៃ ៧៥លានអឺរ៉ូក៏ដោយ។
ក្លឹប Galatasaray បានដាក់សំណើ ៧៥លានអឺរ៉ូទៅ Napoli សម្រាប់កីឡាករ Osimhen ។ យ៉ាងណាក៏ដោយ កិច្ចព្រមព្រៀងនេះមិនទាន់បានសម្រេចនៅឡើយទេ។ បើយោងតាមការចេញផ្សាយរបស់ Sky Sport បានអោយដឹងថាក្លឹប Napoli បានស្នើសុំការធានាផ្នែកហិរញ្ញវត្ថុបន្ថែម ដែលក្លឹបទួរគីមិនទាន់បានផ្តល់។ ទោះបីជាមានការពន្យារពេលក៏ដោយ ក៏ភាគីទាំងពីរកំពុងធ្វើការយ៉ាងសកម្ម ដើម្បីឈានទៅដល់ការដោះស្រាយ៕
