បរទេស៖ ក្លឹប Newcastle United អាចនឹងបាត់បង់គោលដៅខ្សែប្រយុទ្ធម្នាក់ទៀត ខណៈដែលកីឡាករសញ្ជាតិអេស្ប៉ាញ Samu Aghehowa ហាក់ដូចជាមានបំណងចង់បន្តនៅ Porto ។ កីឡាករវ័យ ២១ឆ្នាំដែលស៊ុតបញ្ចូលទីបាន ២៧គ្រាប់កាលពីរដូវកាលមុន គឺផ្តោតលើការជួយក្លឹប Porto អោយឈ្នះពាន និងបង្កើតការរកគ្រាប់បាល់ ដោយប្រព័ន្ធផ្សព្វផ្សាយក្នុងស្រុកបានទទូចថាគាត់មិនត្រូវបានល្បួងអោយផ្ទេរទៅកាន់ក្លឹបនៅ Premier League នោះទេ។
នេះបើយោងតាមការចេញផ្សាយរបស់ Record បានអោយដឹងថាកីឡាករ Aghehowa ដឹងពីចំណាប់អារម្មណ៍របស់ Newcastle ប៉ុន្តែមានការប្តេជ្ញាចិត្តយ៉ាងពេញលេញចំពោះបន្តស្នាក់នៅជាមួយក្លឹប Porto ។ ជំហររបស់ខ្សែប្រយុទ្ធកើតឡើងបើទោះបីជាភាគីរបស់ Eddie Howe ស្វែងរកការពង្រឹងការវាយលុកបន្ទាប់ពីខកខានការផ្ទេរជាច្រើនក៏ដោយ៕
